Basha: Asnjë hap pas, të gjithë bashkë kundër diktaturës së krimit
Opozita e bashkuar mban sot protestën e saj të 10 kombëtare para Kryeministrisë Berisha: Protesta e sotme, ' cunami' tmerrues për Edi Ramën
Opozita e bashkuar do të mbajë sot pro testën e saj të 10 kombëtare, ku do të kërkojë sërish largimin e Edi Ramës si kryeministër dhe rikthimin e legjitimitetit të institucioneve qendrore dhe atyre vendore. Për këtë qëllim, drejtuesit e opozitës u kanë bërë thirrje dje mbështetësve të tyre që të marshojnë sot drejt Tiranës për të treguar se nuk mund të pranojnë kurrsesi një qeveri që nuk përfaqëson interesat e tyre, por ato të krimit. Nëpërmjet një mesazhi në rrjetet sociale, kreu i Partisë Demokratike, Lulzim Basha, ftoi të gjithë qytetarët shqiptarë t'i bashkohen protestës së opozitës ditën e sotme në orën 20: 00. Basha u kërkon qytetarëve të bashkohen si njerëz të lirë me dinjitet kundër diktaturës së krimit, në mbrojtje të lirisë dhe dinjitetit. "Nesër, ( sot) më 8 korrik në orën 20: 00, bashkohemi të gjithë në Tiranë si njerëz të lirë me dinjitet, prindër, motra, vëllezër, bij e bija shqiptarësh kurajozë, të gjithë bashkë kundër diktaturës së krimit, në mbrojtje të lirisë dhe dinjitetit, për familjet dhe fëmijët tuaj, për Shqipërinë si Europa! Asnjë hap pas! Rama ik", shkroi Basha.
TAKIMI
Ndërkohë që gjatë pasdites së djeshme, kryetari i Partisë Demokratike, Lulzim Basha, u ndal në Kamëz, ku u takua me strukturat vendore të PD, por edhe me simpatizantë të opozitës e qytetarë. I shoqëruar nga sekretari i përgjithshëm, Gazment Bardhi dhe kryetari i Bashkisë së Kamzës, Xhelal Mziu, Basha i ftoi qytetarët e Kamzës, që ashtu siç kanë bërë edhe në 9 protestat e tjera kombëtare, të jenë në krye të lëvizjes kombëtare për ndryshim, për largimin e Edi Ramës dhe krijimit të një qeverie që garanton zgjedhje të lira e të ndershme. Gjatë takimeve informale që nisi në fundjavë në Kavajë dhe Elbasan dhe dje në Kamëz e Vorë, kreu i opozitës synon të përcjellë ftesën për protestë tek sa më shumë qytetarë që refuzuan në 30 qershor, sipas tij regjimin kriminal dhe të korruptuar të Edi Ramës.
BERISHA
Ndërkohë që edhe ishkryeministri Sali Berisha është shprehur i sigurt dje se protesta e sotme e opozitës
RAMA
Kryeministri Edi Rama reagoi dje në lidhje me protestën e opozitës. Duke cituar një shprehje të Martin Luther King, Rama tha se protestat e dhunshme nuk janë revolucionare, por reaksionare, sepse në vetvete ndjellin humbjen. "Përtej aspektit moral, limiti i protestave të dhunshme qëndron në faktin se ato s'të çojnë në fitore dhe këtë e dinë edhe ata që i bëjnë. Pra protesta e dhunshme s'është revolucionare por reaksionare, sepse ndjell humbjen. Martin Luther King", - shkroi Rama.