Sulmohet me gurë makina e analistit Fatos Lubonja
Mira Meksi: Me këtë akt dhune, shoqëria jonë është shpallur persekutuese Politikanët dënojnë sulmin ndaj tij Policia: Ai që sulmoi Lubonjën, i sëmurë mendor
Policia
e ka quajtur zhurmë mediatike sulmin me gur të makinës së analistit Fatos Lubonja. Ata sqarojnë se "më datën 1 korrik 2019, shërbimet e komisariatit nr. 2, pas marrjes së një njoftimi, u vunë në ndjekje të një personi që po kërcënonte me mjete prerëse disa kalimtarë. Në tentativë për t'u larguar, shtetasi A. H. theu me sende të forta xhamin e një mjeti të parkuar në hyrje të pallatit ku banonte. Agjentët arrestuan 50- vjeçarin nga Tirana. Ndaj tij bëri kallëzim për dhunë në familje edhe bashkëshortja, e cila deklaroi se ai vuante prej disa vitesh nga shëndeti mendor. Për dëmtimin e mjetit bëri kallëzim shtetasi A. L, vëllai i zotit F. Lubonja, i cili deklaroi se ishte përdoruesi faktik i automjetit, se agresorin e kishte fqinj dhe se ky i fundit kishte shfaqur probleme mendore. Materialet i kanë kaluar Prokurorisë për ' Dhunë në familje', ' Kanosje', ' Shkatërrim prone', ' Prishja e qetësisë publike' dhe ' Mbajtje pa leje të mjeteve prerëse, të dyshuara si armë të ftohta'. Me këtë rast, Policia e Shtetit hedh poshtë si të pavërteta dhe dashakeqe të gjitha insinuatat e bëra në drejtim të punës së saj, e cila edhe në këtë rast ka qenë plotësisht profesionale".
MESILA DODE
Ish- deputetja Mesila Dode dënoi gjithashtu sulmin ndaj analistit. "Sot u godit një nga zërat më kritikë ndaj qeverisë ' Rama', Fatos Lubonja. Mesazhi me gurin që thyente makinën e tij ishte i qartë... cilido që del kundër, ndëshkohet. Sot është e kërcënuar liria e fjalës, liria politike e liritë ekonomike në vend. Ende nuk ka pasur një fjalë nga përfaqësuesit e kësaj maxhorance që të dënojnë aktin e turpshëm. Media ndodhet sot nën presionin e pushtetit e bashkë me të bizneset, administrata, politika. E nisin me fjalor fyes, më pas me agresion e sharje dhe po vazhdojnë me sulme me gurë e gaz lotsjellës nëpër shtëpitë e shqiptarëve. Sot më shumë se kurrë duhet të kuptojmë që liritë tona rrezikohen nga përbindëshi i diktaturës që nuk e kemi harruar ende. Te hënën do të jem në shesh për të gjitha këto arsye. Mos mendoni që duhet të pushojmë qoftë edhe një minutë luftën dhe rezistencën ndaj regjimit, sepse ato nuk do rreshtin asnjë moment duke marrë liritë tona. Rezistenca ndaj diktaturës është detyrë".