"Ne do t'ju shtypim pa mëshirë", Basha: Fund politikës së të fortëve
Nga shqiponja dykrenare, te gomerët me logon e PS deri te kutitë me fletë votimi "Rama ik" "Do ta pastrojmë Shqipërinë nga fara juaj shkatërrimtare!"
Opozita protestoi mbrëmë më e shumtë në numër me kërkesën për largimin e Kryeministrit Edi Rama. Mijëra qytetarë nga mbarë vendi në protestën e 10- të kombëtare kërkuan sërish: E duam Shqipërinë pa Edi Ramën. Protesta mori një rëndësi të veçantë edhe për faktin se qytetarët u mblodhën para Kryeministrisë për të kërkuar largimin e Ramës, në një kohë kur ky i fundit tashmë ka marrë edhe 100 për qind të pushtetit vendor pas zgjedhjeve të zhvilluara pa opozitën. Protesta e opozitës dje u dominua nga simbolika të shumta. Një grup të rinjsh mbyllën gojën me mbishkrimin ERTV. Një tjetër simbolike e protestës së djeshme të opozitës ishte edhe shqiponja e flamurit kombëtar. Në zemër të saj shkruhej shifra "85%", aq sa është përqindja e shqiptarëve që opozita pretendon se e refuzuan Ramën në votimet moniste të 30 qershorit. Një kuti e madhe votimi 2 metra e lartë doli nga selia e PD dhe iu drejtua sheshit para kryeministrisë. Kutia e madhe u mbajt nga të rinjtë që në fytyrë mbanin maskat e protagonistëve të dosjeve të vjedhjes së votave 339 dhe 184, Vangjush Dakos, Damian Gjiknurit, Saimir Tahirit dhe kriminelëve të tjerë që kanë dalë në përgjimet e BILD. Kutia u ndoq nga disa gomerë të veshur me bluza me logon PS30 dhe po mbushet me "fletë votimi" ku shkruhet Rama ik. Lideri i tyre Lulzim Basha u ngjalli besim drejt së ardhmes gjatë fjalës së tij para selisë qeveritare ndërkohë që pas qëndrimit prej rreth 1 orë e 30 minuta, mbështetësit e opozitës kanë nisur marshimin në bulevard. Me dritat e celularëve të ndezur, protestuesit marshuan qetësisht drejt parlamentit për ta mbyllur protestën në selinë e PD- së.
DEKLARATA
Lideri i opozitës Lulzim Basha para mijëra mbështetësve të tij i falënderoi ata për qëndresën e refuzimin që i bënë 30 qershorit. Gjatë fjalës së tij Basha u shpreh se pa u ndëshkuar ata që vodhën votat nuk do të ketë zgjidhje politike të krizës. Sipas Bashës 30 qershorit ishte një referendum kundër së keqes. "E gjithë bota e di se beteja jonë ka qenë e drejtë dhe jetike. Pa kurajon tonë, denoncimet nuk do kishte ndodhur asgjë. Qëndresa jonë triumfoi. Sot shqiptarët janë të etur për ndryshim, duan një ndryshim të vërtetë dhe jo të përkohshëm, fals, fasadë, por një ndryshim që do t'u japë fund krizave dhe traumave të
SALI BERISHA
Ish- kryeministri, Sali Berisha, i pranishëm në shesh, akuzoi se Edi Rama është një
"armik i interesit kombëtarë". Ndërsa komentoi miratimin e komisionit për shkarkimin e Presidentit Meta, Berisha e konsideroi një "akt puçist", duke thënë se kryeministri do të "kalbet në të paktën 37 vite burg".