"30 qershori i paligjshëm", Meta: Anulimi është zgjidhja e krizës
Presidenti fton partitë në zgjedhjet e 13 tetorit: Nuk kam shkelur Kushtetutën "Asnjë parti nuk e kundërshtoi dekretin"
Kreu i shtetit, Ilir Meta, kujton se ka anuluar datën 30 qershor si datë të zhvillimit të zgjedhjeve vendore, mbështetur tërësisht në dispozitat e Kushtetutës. Ndaj, dekretin për të cilin mazhoranca e akuzon se ka shkelur Kushtetutën dhe e sheh një arsye të fortë që presidenti të lirojë sa më shpejt zyrën, Ilir Meta shprehet se është ende në fuqi dhe i paatakuar në asnjë gjykatë. Pak orë para ngritjes së komisionit hetimor në Kuvend për shkarkimin e presidentit, Ilir Meta publikoi dje qëndrimin e tij për situatën politike në vend. Presidenti vëren se edhe pse Kolegji Zgjedhor vendosi rrëzimin e padisë së Partisë së Unitetit Kombëtar, ky vendim nuk prek aspak vlefshmërinë e dekretit që anulon 30 qershorin. Meta u referohet edhe gjetjeve të misionit të vëzhguesve të OSBE- ODIHR, ndërsa deklaron se gjërat u bënë edhe më komplekse për shkak të mungesës së një Gjykate Kushtetuese, e cila është i vetmi organ i mandatuar për të vendosur në lidhje me kushtetutshmërinë e dekreteve të presidentit. Ai bëri sërish një kronologji të akteve të ndërmarra prej tij lidhur me dekretet për zgjedhjet, duke rikujtuar se u është referuar dispozitave kushtetuese, ndaj sipas tij, askush tjetër veç Gjykatës Kushtetuese nuk mundet të shqyrtojë vlefshmërinë dhe kushtetutshmërinë e tij. "Dekreti për anulimin e datës 30 qershor 2019 si ditë e zgjedhjeve për organet e qeverisjes vendore, deri në ditën e sotme nuk është kundërshtuar nga ndonjë forcë politike apo nga ndonjë subjekt tjetër politik ose jopolitik përpara ndonjë gjykate në Republikën e Shqipërisë, përfshi këtu edhe Kolegjin Zgjedhor", vëren presidenti. Në qëndrimin e tij për situatën ligjore të krijuar pas 30 qershorit, presidenti shpjegon se nuk ka shkelur asnjë ligj dhe se vendimi i Kolegjit nuk prek aspak vlefshmërinë e dekretit të Presidentit të Republikës. "Presidenti e ndërmori këtë akt i mbështetur tërësisht në dispozitat e Kushtetutës dhe bazuar në argumente plotësisht kushtetuese. Ky dekret për anulimin e datës 30 qershor 2019 si ditë e zgjedhjeve për organet e qeverisjes vendore, deri në ditën e sotme nuk është kundërshtuar nga ndonjë forcë politike apo nga ndonjë
subjekt tjetër politik ose jo politik përpara ndonjë gjykate në Republikën e Shqipërisë, përfshi këtu edhe Kolegjin Zgjedhor", theksoi z. Meta. Për pasojë, e gjithë veprimtaria zgjedhore e organizuar dhe zhvilluar nga KQZ më datë 30 qershor 2019 është një proces votimesh tërësisht
i paligjshëm, antikushtetues dhe që nuk krijon asnjë pasojë juridike, pasi veç të tjerave, data 30 qershor 2019 nuk ekziston ligjërisht si një datë zgjedhjesh për organet e qeverisjes vendore në Republikën e Shqipërisë", deklaroi z. Meta. E për sa kohë presidenti ka të drejtën e dekretim
SAMITI
Presidenti Ilir Meta mori pjesë mbrëmë në një darkë në Sarajevë, në kuadër të Samitit të Procesit të Bashkëpunimit të Evropës Juglindore. Kurse sot, Meta do të jetë në takimin në nivel presidentësh në Jahorinë. Lajmi u konfirmua për Radio Evropa e Lirë nga këshilltari i Metës për rajon dhe diasporë, ambasadori Flamur Gashi. Më herët, ministri i Jashtëm, Gent Cakaj ka thënë se Shqipëria, në shenjë solidariteti me Kosovën, e ka anuluar pjesëmarrjen në samit, kryesisht për shkak të marrëdhënieve të organizatorit me Kosovën.
it të datës së zgjedhjeve, Meta vë në dukje se zgjedhjet vendore janë më 13 tetor, ky akt është në fuqi dhe i detyrueshëm për zbatim nga të gjithë. Meta deklaron se dekreti i tij për zhvillimin e zgjedhjeve në 13 tetor është një mundësi që të gjitha palët t'i kthehet rrugës së
arsyes. "Duke vënë në dukje këtë situatë të qartë ligjore se nuk ekzistojnë ligjërisht zgjedhjet e 30 qershorit dhe duke ritheksuar se dekreti i 13 tetorit është një mundësi e shkëlqyer për të garantuar zgjedhje vendore gjithëpërfshirëse dhe demokratike, Presidenti i Republikës
i fton të gjithë të mos thellohen në rrugën e paligjshmërisë, njëanshmërisë dhe konfliktualitetit", deklaroi Presidenti Meta. Qëndrimin e tij presidenti e mbyll duke thënë se është koha për t'iu rikthyer sovranitetin të gjithë qytetarëve të Shqipërisë!