Hajdari: Deputetët e opozitës u kërcënuan se do shpërndahej Kuvendi
Deputetja demokrate denoncon presionin që iu bë deputetëve për të votuar kundër Metës Debatet në mbledhjen e Konferencës së Kryetarëve
Më 13 qershor, në kul min e një tensioni, Kuvendi miratoi me 100 vota pro, 7 kundër dhe 2 abstenime rezolutën që dënonte si antikushtetues aktin e Presidentit të Republikës, Ilir Meta për zhdekretimin e 30 qershorit si datë e mbajtjes së zgjedhjeve për pushtetin vendor. Siç u pa edhe gjatë votimit, këtë rezolutë e votuan pro edhe një numër i madh i deputetëve të opozitës së re, ndërkohë që para votimit qarkulluan foto ku përfaqësues të mazhorancës negociuan për votën e tyre. Kryetarja e grupit parlamentar demokrat, Rudina Hajdari, gjatë mbledhjes së Konferencës së Kryetarëve të datës 3 korrik ka zbardhur "hilenë" e përdorur në këtë rast nga socialistët për të bindur deputetët e opozitës që të votonin pro rezolutës. Ndonëse ajo vetë nuk mori pjesë në votim, Hajdari në fjalën e saj gjatë thekson se deputetëve të opozitës iu bë presion me frikën pas aktit për zhdekretimin e datës së zgjedhjeve do të vinte edhe një dekret tjetër i Presidentit të Republikës për shpërndarjen e parlamentit.
PJESË NGA PROCESVERBALI I DATËS 03.07.2019
Taulant Balla - Lidhur me këtë procedurë të iniciuar nga 55 deputetë të Kuvendit të Shqipërisë, në përputhje me Kushtetutën dhe sipas pikës 3 të nenit 112 të Rregullores jemi pikërisht në momentin e përcaktimit të shqyrtimit të raportit të Komisionit të Çështjeve Ligjore në seancë dhe më pas votimin e këtij raporti dhe shqyrtimin e projektvendimit për ngritjen e komisionit. Në rast se raporti nuk miratohet, procedura ndërpritet. Për sa më lart, dua t'i propozoj Konferencës së Kryetarëve që debati për këtë çështje, pra shqyrtimi i këtij raporti, të zhvillohet në një seancë të posaçme.
Gramoz Ruçi - A ka propozim tjetër për datën? Pra, data 8 është data e fundit, kur plotësohet 7- ditëshi. Dhe kjo është me përcaktim nga rregullorja. Zoti Balla propozon datën fundore, që është data 8.
Rudina Hajdari - Zoti kryetar, nëse më lejohet, unë do të jap mendimin tim lidhur me këtë çështje. Kam qenë vetë në atë seancë kur miratuam një rezolutë me
DENONCIMI
Kam qenë vetë në atë seancë kur miratuam një rezolutë me presione të ndryshme, që nuk ishin të drejta ndaj opozitës, duke inkurajuar deputetët e opozitës që të votonin për atë rezolutë për shkak se do të kishim një dekret tjetër të presidentit, që do të shpërndante parlamentin.
presione të ndryshme, që nuk ishin të drejta ndaj opozitës, duke inkurajuar deputetët e opozitës që të votonin për atë rezolutë për shkak se do të kishim një dekret tjetër të presidentit që do të shpërndante parlamentin. Ajo që më shqetëson është se ndodhem në mes të kësaj lufte politike. Unë jam e vetëdijshme që jam në mes të kësaj lufte politike për një shkak, por nuk dua që kjo luftë të vazhdojë. Unë e kam thënë haptazi që Presidenti i Republikës e shkeli Kushtetutën duke zhdekretuar një dekret të tij, gjë që nuk ka ndodhur ndonjëherë, por nga ana tjetër, keni zgjedhur një president, i cili është tepër politik. Ju e dini vetë këtë gjë. Jemi në një situatë jashtëzakonisht shumë të vështirë. Ne duhet të reflektojmë dhe të mendojmë nëse këta hapa realisht e zgjidhin krizën. Duhet të mendojmë nëse po e bëjmë për hir të vendit, për hir të mospërplasjes e të tjera. Ndoshta do të ishte më mirë që ne të stepeshim, të bënim një hap mbrapa dhe të mos i jepnim kaq shumë bujë këtij debati në parlament. Mendimi im është që të gjejmë një rrugë të mesme, sepse më pas do të raportohet në mediat ndërkombëtare dhe do të bëhemi qesharakë. Do të jetë një luftë e pastër politike midis kryeministrit dhe presidentit. Ndoshta dënimi më i madh është që ai të rrijë aty brenda, kështu që në këtë mënyrë e keni zgjidhur situatën.
Taulant Balla - Unë dua të nënvizoj shqetësimin që shprehu kryetarja e grupit të opozitës, zonja Hajdari, për një kërcënim nga ana e Presidentit të Republikës për të shpërndarë Kuvendin. Qëndrimi i tij për këtë çështje është bërë publik, por kjo nuk është një çështje që mund ta diskutojmë sot apo ndonjëherë, sepse Presidenti i Republikës për fat të mirë nuk e ka këtë të drejtë. Vlerësoj propozimet konstruktive që vijnë nga zonja Hajdari, dhe meqenëse jam edhe nismëtar, në pjesën e dytë të kësaj mbledhjeje do të doja të bashkëndaj me ju reflektimin tonë në bazë të kërkesës suaj, që lidhet me Kodin Penal, por në këtë rast, 55 firmëtarët duan që kërkesa e tyre të ezaurojë të gjitha etapat deri në etapën përfundimtare, atë të votimit të Kuvendit dhe më pas të certifikimit të saj nga Gjykata Kushtetuese kemi ende shumë kohë në dispozicion.
Gramoz Ruçi - Po sqaroj një gjë, meqenëse m'u drejtuat: kjo mbledhje, ky kuorum nuk ka asnjë të drejtë të vendosë nëse duhet të vazhdojë kjo procedurë apo jo. Kjo është me detyrim- përcaktim. Ka dy rrugë: e para, ajo që parashtroi zonja Hajdari, nëse kërkuesit e tërheqin nismën, unë e ndërpres procedurën këtu, sepse nuk kam se çfarë të diskutoj. E dyta, do të shkojmë në seancë dhe do shkojmë brenda 7 ditëve, kjo nuk ka diskutim, është me detyrimpërcaktim, pasi na e përcakton rregullorja që brenda 7 ditëve t'ia dërgojmë seancës. Problemi i tretë është që pasi ngrihet komisioni hetimor, pasi bën hetimin, sjell një raport në Kuvend, Kuvendit i jepet 20 ditë kohë për të reflektuar për këtë raport, i cili do të jetë në përfundim të këtij debati, të kësaj seance. Ju do të votoni. Ai votim është përfundimtar për Kuvendin dhe këtu Kuvendi mbaron punën e tij, por kjo nuk do të thotë se është shkarkuar presidenti, është Gjykata Kushtetuese, e cila shprehet për këtë vendim që ka marrë Kuvendi.
Rudina Hajdari - Dakord, zoti kryetar. Unë e kuptoj pikëpamjen tuaj, që këto janë nga ana procedurale dhe duhet marrin një vendim. Nga ana tjetër, jemi edhe në kushtet kur nuk kemi Gjykatë Kushtetuese, gjë që e bën situatën akoma më të vështirë, sepse si mund ta vazhdojmë një procedurë, nëse nuk e dimë tamam se kur do të ngrihet Gjykata Kushtetuese, e cila merr vendim mbi këtë çështje. Pra, duke qenë në kushte jonormale, situata bëhet më e vështirë për të marrë një vendim të prerë. Siç e thatë edhe ju, nismëtari mund ta reflektojë këtë nismë.