Apartamente në Tiranë dhe Pogradec, sekuestrohen 1 milion euro pasuri të çiftit italo- shqiptar
Hetimi, dhëndri italian dhe gruaja e tij humbën edhe 2 milionë euro në Itali Zbardhet skema: Francesco Cocilovo e Almanda Durollari kaluan pasurinë në emër të 76- vjeçares nga Pogradeci
Policia e Shtetit ka ven dosur sekuestro pre ventive për disa pasuri të paluajtshme, që dyshohet të jenë vënë nga aktiviteti i paligjshëm. Gjatë operacionit të koduar "Transferta", mësohet se janë sekuestruar pasuri të paluajtshme që kapin vlerën e 1 milion eurove. Sipas uniformave blu, pasuria u përket shtetasve Almanda Durollari 40 vjeç nga Pogradeci dhe bashkëjetuesit të saj italian, Francesco Cocilovo. Çifti jeton në Milano të Italisë dhe janë prindër të tre fëmijëve, dy vajzave dhe një djali. Konkretisht, policia ka sekuestruar përkatësisht 2 apartamente banimi në Pogradec, 4 apartamente banimi në Tiranë dhe 1 njësi shërbimi në Tiranë, të ndërtuara nga pasuri kriminale. Sipas "Shqiptarja. com", italiani i hetuar edhe në shtetin fqinj për mashtrim financiar dhe falsifikim të markave të rrobave, ka transferuar rreth 200 mijë euro në llogaritë e gruas në Shqipëri dhe me rreth 750 mijë euro të tjera kanë blerë apartamente e makina, në emër të nënës pensioniste ( Vergjinush Durollari 76 vjeç) të gruas së tij nga Pogradeci. Paratë, italiani Francesco Cocilovo i ka transferuar nga kompania e tij e veshjeve "Gynarai Holdin Corps", me seli në Panama, e cila konsiderohet si "parajse fiskale" nga një sërë organizmash ndërkombëtare. Për të mos rënë në sy në bankat shqiptare, italiani ka transferuar paratë nga 10 mijë euro në llogaritë e Almanda Durollarit, me qëllim që të mos monitorohen si transferta. Ndërkohë, 3 "bosët" e mësipërm kanë humbur më parë edhe mbi 2 milionë euro nga Guardia di Finanza në Itali, e vënë po në rrugë të paligjshme.
OPERACIONI "TRASFERTA"
"Drejtoria Hetimore Qendrore, Njësia për Hetimin e Krimit Ekonomik e Financiar, në bashkëpunim me Drejtorinë Vendore të Poli
cisë Korçë, nën drejtimin e Prokurorisë pranë Gjykatës së Shkallës së Parë Pogradec, zhvilluan operacioni policor ' Transferta', për sekuestro preventive të disa pasurive të paluajtshme të shtetasve A. D., V. D. dhe shtetasit italian F. C.", thuhet ndër të tjera në njoftimin zyrtar të policisë. Mësohet se operacioni u zhvillua në
funksion të procedimit penal të vitit 2018, regjistruar për veprën penale "Pastrimi i produkteve të veprës penale apo veprimtarisë kriminale", parashikuar nga neni 287 i Kodit Penal. Bazuar në vendimin e datës 05.07.2019, të Gjykatës së Shkallës së Parë Pogradec, u vendos sekuestro preventive mbi pasuritë, si më poshtë: 2 apartamente banimi në Pogradec, me sipërfaqe 175 m2; 4 apartamente banimi në Tiranë, me sipërfaqe 420 m2 dhe 1 njësi shërbimi në Tiranë, me sipërfaqe 106.5 m2; Të gjitha pasuritë e sekuestruara kapin vlerën 1 milion euro. Sipas burimeve të mësipërme, shtetasja A. D. dhe shtetasi italian F. C. janë proceduar më parë nga autoritetet gjyqësore italiane, nga Guardia di Finanzia e Komos, për veprat penale të mashtrimeve financiare, falsifikimit dhe shitjes së produkteve me shenja false. Nga hetimi ka rezultuar se të dy këtyre shtetasve, Guardia di Finanza u ka sekuestruar rreth 2.388.611 euro në Itali, të cilat dyshohen se rrjedhin nga aktiviteti i paligjshëm i tyre. Nga veprimet hetimore të kryera në funksion të procedimit penal të vitit 2018 të Prokurorisë pranë Gjykatës së Shkallës së parë Pogradec, rezultoi se shtetasja A. D. bashkëjeton me shtetasin italian F. C. dhe banojnë në Itali. Për të fshehur dhe justifikuar këto prona të blera në Shqipëri, i kanë regjistruar në emër të shtetases V. D. me banim në Pogradec ( nëna e shtetases A. D., pensioniste). Policia e Shtetit në bashkëpunim të ngushtë me Prokurorinë e Rrethit Gjyqësor Pogradec po vijojnë punën për dokumentimin e plotë të aktivitetit të paligjshëm të këtyre personave, si dhe identifikimin e personave të tjerë të përfshirë.