Mitsotakis në krye të Greqisë, rrëmben fitoren me 40% të votave
Kryeministri Alexis Tsipras i dorëzon pushtetin pasuesit Meta: Progresi juaj, i rëndësishëm për të ardhmen europiane
Pas rezultatit të zgjedhjeve të së dielës, kryeministri grek në largim Alexis Tsipras i dorëzoi të hënën pushtetin pasuesit të tij, Kyriakos Mitsotakis, i cili fitoi me shumicë dërrmuese zgjedhjet e parakohshme falë premtimit për të rritur investimet, ulur taksat dhe për të krijuar vende të reja pune. Fitorja e Mitsotakis duket se i ka bazat tek lodhja vitet e fundit nga politikat shtrënguese të Bashkimit Evropian, të kombinuara me papunësinë e lartë. Kyriakos Mitsotakis, i cili ka të ngjarë të përballet me një betejë të vështirë për shkak të premtimeve të tij, u betua si kryeministri i ri i vendit ditën e hënë. Demokracia e Re fitoi rreth 40 për qind të votave, duke larguar nga pushteti Tsipras të partisë Syriza që mori 31.53 për qind të votave. Kyriakos Mitsotakis, i diplomuar në universitetin e Harvardit dhe djali i ish- kryeministrit Konstantinos Mitsotakis, do të ketë një shumicë prej 158 vendesh në parlamentin grek prej 300 anëtarësh. "Grekët e thanë fjalën e tyre. U jam shumë mirënjohës për rezultatin. Fituam 40 për qind të votave që është diçka e pabesueshme. Kemi përpara një politike të fragmentuar dhe ndjej se kam një mandat të fortë për të zbatuar axhendën time, që është një axhendë për rritje ekonomike, për të krijuar më shumë vende pune, por, gjithashtu, për t'u siguruar që populli grek të ndihet i sigurt përsëri". Mitsotakis është zotuar se do të krijojë vende të reja pune përmes investimeve të huaja, shkurtimit të taksave dhe heqjes së pengesave ndaj biznesit. Alexis Tsipras i thirri zgjedhjet tre muaj para afatit pasi partia e tij Syriza pësoi një humbje të rëndë në zgjedhjet lokale dhe ato për parlamentin Evropian që u mbajtën gjatë muajve maj e qershor. Greqia ka rifilluar të rimëkëmbet pas një krize masive financiare shoqëruar me papunësi të lartë dhe nivel të mprehtë të varfërisë. Vendi u detyrua që të pranonte miliarda dollarë në formë pakete shpëtimi nga Fondi Monetar Ndërkombëtar, vende të tjera të eurozonës dhe Banka Qendrore Evropiane, në shkëmbim të shkurtimeve të thella të shpenzimeve dhe kryerjen e reformave të tjera. Gjithashtu, në rezultatin e zgjedhjeve partia "Agimi i Artë" nuk arriti të ishte pjesë e parlamentit. Ndërkohë që dje, presidenti i Shqipërisë ka telefonuar kryeministrin e ri grek për ta uruar për fitoren. Meta thotë se i ka uruar suksese Mitsotakisit dhe se shpreson që marrëdhëniet midis dy shteteve do të fuqizohen edhe më shumë. "Kënaqësi t'i uroja gjatë një bisede telefonike, shumë suksese, kryeministrit të ri të Greqisë, z. Kyriakos Mitsotakis. Shpresëplotë se marrëdhëniet mes dy shteteve tona do të fuqizohen akoma më shumë në interes të dy popujve tanë. Progresi i Greqisë është
shumë i rëndësishëm për të gjithë shqiptarët që jetojnë atje dhe për të ardhmen e përbashkët europiane",- shprehet Meta. Gjithashtu, edhe zv/ kryeministrin për Çështje Evropiane të Maqedonisë, Bujar Osmani, ka uruar Kyriakos Mitsotakis për fitoren në zgjedhjet e parakohshme parlamentare duke shfaqur shpresën se bashkëpunimi i filluar me Maqedoninë e Veriut do të vazhdojë edhe në të ardhmen. Osmani shton se Marrëveshja e Prespës është e garantuar ndërkombëtarisht dhe se edhe më tej do të jetë bazë për përparimin e marrëdhënieve mes dy fqinjve. Por, Lupcho Petkovski nga Organizata Joqeveritare ' EVROTING', nuk përjashton probleme gjatë zbatimit të kësaj marrëveshjeje. "Unë mendoj se 90% e kontestit për emrin ishte rreth antikës, se kush kishte të drejtë t` i shfrytëzojë mitet e antikës. Me Marrëveshjen e Prespës ne hoqëm dorë nga kjo. Nga njerëzit që janë të kyçur në proces dëgjoj se në këtë pjesë, në çështjet arsimore, arkeologjike, historike ka një progres. Këtu do të dakordohemi, për dallim nga bullgarët, me të cilët nuk pritëm probleme, por ja ndodhën. Por mendoj se më shumë probleme do të ketë në ato
KYRIAKOS MITSOTAKIS
"Grekët e thanë fjalën e tyre. U jam shumë mirënjohës për rezultatin. Fituam 40 për qind të votave që është diçka e pabesueshme. Kemi përpara një politike të fragmentuar dhe ndjej se kam një mandat të fortë për të zbatuar axhendën time, që është një axhendë për rritje ekonomike, për të krijuar më shumë vende pune, por gjithashtu për t'u siguruar që populli grek të ndihet i sigurt përsëri",- ka thënë Mitsotakis.
rregullore, të lëna qëllimisht rreth shfrytëzimit të emrit Maqedoni në çështjet tregtare". Për profesorin Denko Maleski është e pasigurtë se si do të jetë qasja e Athinës zyrtare rreth anëtarësimit të ardhshëm të Maqedonisë së Veriut në BE. "Asgjë nuk mund të përjashtohet. Ne do të donim që Tsiprasi të vazhdonte për shkak të realizimit më me sukses të Marrëveshjes së Prespës, por populli grek vendosi ndryshe. Tsipras pagoi çmimin e "Prespës", veçanërisht në pjesën veriore të vendit". Zbatimi i Marrëveshjes së Prespës, me të cilën u mbyll kontesti shumëvjeçar me Greqinë rreth përdorimit të emrit Maqedoni, sipas analistëve edhe më tej do të zhvillohet në mënyrë asimetrike, duke pranuar me këtë rast se dinamika e nënshkrimit të marrëveshjeve të ndërsjellta është përshpejtuar, por se nuk përjashtohen më shumë mosmarrëveshje rreth detajeve të kësaj marrëveshje. E mira e rezultateve zgjedhore, sipas analistëve, është që Kryeministri i deritashëm Tsipras ka humbur më disa përqindje, respektivisht blloku që ka përkrahur Marrëveshjen e Prespës mbetet forcë serioze politike në Greqi. Ndërkaq kujtojmë se Greqia zhvilloi mëngjesin e së dielës zgjedhjet e parakohshme parlamentare. Këto zgjedhje ishin të rëndësishme edhe për të gjithë shqiptarët që jetojnë në Greqi, pasi për herë të parë garuan edhe shqiptarët për të përfaqësuar bashkëkombësit e tyre në parlamentin helen. Në garë ishin pesë emigrantë shqiptarë, Fatos Malaj, Eda Gemi, Jorgos Trihas, Anxhela Filo dhe Kristos Ducis, të cilët jetojnë në vendin fqinj prej vitesh. Ndërkohë, në këto zgjedhje parlamentare në Greqi kishin të drejtë vote mbi 150.000 emigrantë shqiptarë dhe minoritarë grekë, që kanë marrë nënshtetësinë, ndaj dhe nuk përjashtohet mundësia që disa kandidatë shqiptarë të marrin mandat për t'u futur në parlamentin grek.