Plas skandali diplomatik me SHBA- të dhe Britaninë e Madhe
Gazeta britanike "The Mail" boton kabllogramet e ambasadorit britanik. "Trump, i paaftë dhe i pasigurt", dalin dokumentet konfidenciale
Qeveria britanike tha se po heton rrjedhjen e dokumenteve të fshehta, në të cilat ambasadori britanik në Shtetet e Bashkuara kritikon administratën e presidentit amerikan, Donald Trump, duke e quajtur atë të "ngathët" dhe të "paaftë". Një zëdhënës i ministrisë së Jashtme britanike i tha agjencisë DPA, se një hetim formal do të fillojë lidhur me këtë nxjerrje të informacioneve të fshehta. Në dokumentet që datojnë nga viti 2007 deri në ditët e sotme, ambasadori Kim Darroch ka thënë se administrata Trump është "e ngathët dhe e paaftë në diplomaci" dhe nuk do të mund të bëhej "më normale në thelb, më pak jofunksionale dhe më e pak e paparashikueshme". Ministria e Jashtme britanike nuk e ka kundërshtuar saktësinë e dokumenteve. Nga ana tjetër, një zëdhënës i Ministrisë së Jashtme britanike i konfirmoi agjencisë gjermane të lajmeve ' DPA' nisjen e një hetimi formal në lidhje me nxjerrjen e informacioneve të fshehta në kabllogramet që datojnë që nga viti 2007 deri në ditët e sotme. Pavarësisht se hetimet e prokurorit të posaçëm Robert Mueller nuk gjetën prova bashkëpunimi midis ekipit zgjedhor të zotit Trump dhe Rusisë, ambasadori Kim shkroi në kabllograme se, "më e keqja nuk mund të përjashtohet". Ministria e Jashtme britanike nuk e kundërshtoi saktësinë e dokumenteve. Ministri i Jashtëm, Jeremy Hunt tha se kabllogramet paraqesin vetëm opinione personale të ambasadorit dhe jo qëndrimin e qeverisë britanike. Zoti Hunt, i cili po garon për postin e kryeministrit, shtoi se është detyrë e ambasadorit për të përcjellë opinione të drejtpërdrejta. Për rrjedhjen e kabllogrameve reagoi edhe vetëm Presidenti amerikan, Donald Trump. Duke folur për gazetarët, presidenti tha se ambasadori Darroch "nuk i ka shërbyer mirë vendit të tij". "Ne nuk jemi admirues të atij njeriu", shtoi presidenti i SHBA- ve, Donald Trump. Ndërkaq, të dielën gazeta britanike "The Mail" botoi kabllogramet që ambasadori britanik i dërgon qeverisë së tij. Ambasadori i Britanisë në Shtetet e Bashkuara, Kim Darroch, e përshkruan Presidentin amerikan, Donald Trump si
një njeri "të paaftë" dhe "jofunksional". Sipas gazetës, ambasadori Darroch e përshkruan zotin Trump si një person që "rrezaton pasiguri" dhe që është "jokompetent". Megjithatë, ambasadori i paralajmëron zyrtarët britanikë që të mos mendojnë se zoti Trump nuk ka shanse për rizgjedhje, duke thënë se presidenti ka përcaktuar një "rrugë të besueshme" për të siguruar katër vite të tjera në Shtëpinë e Bardhë. Gazeta "The Mail" shkruan se ambasadori britanik paralajmëron se zoti Trump mund të "dalë nga ' zjarri' i paprekur, sikurse Arnold Schwarzenegger në skenat e filmit ' The Terminator'". Ministria e Jashtme britanike nuk i ka mohuar komentet e botuara në gazetë. Një zëdhënëse tha se ambasadorët pritet t'i "japin vendit të tyre një vlerësim të ndershëm të politikës për vendet ku ata shërbejnë. Ne i paguajmë ata që të jenë të sinqertë", - tha zëdhënësja e Ministrisë së Jashtme britanike. Ndërkaq, media të ndryshme të huaja po qarkullojnë një informacion që vë në dukje dyshimet e mëdha që provokon personaliteti i Donald Trump edhe brenda aleatëve më të ngushtë të SHAB- ve. Një memo e ambasadorit britanik në SHBA, Kim Darroch, hartuar në vitin 2017 dhe drejtuar qeverisë së tij hedh dritë mbi vlerësimet e këtij diplomati për presidentin amerikan. "Rrezaton pasiguri. Me të duhet që t'i bësh të thjeshta parashtrimet, madje duhet të flasësh troç", shkruan Darroch. Lajmin e ka publikuar së pari gazeta "Daily Mail", që citon madje disa memo konfidenciale. Sipas këtyre dokumenteve, duket se Trump ka vënë në pikëpyetje sigurinë e Perëndimit me paparashikueshmërinë e tij. "Nuk besojmë realisht se kjo administratë do të bëhet në thelb më normale, më pak jofunksionale, më pak e paparashikueshme, më pak e ndarë, më pak e paaftë", citohet ai të ketë shkruar diplomati në njërën prej memove. Gazeta
KIM DARROCH
"Ka më shumë gjasa që ai nuk e ndjente asnjëherë se duhej të sulmonte dhe të ishte i shqetësuar për atë sesi do të dukej një gjë e tillë në vitin 2020 në raport me fushatën e vitit 2016. Mjafton vetëm një sulm tjetër i Iranit diku në rajon dhe mundet të kemi një kthesë
180 gradë e Trump. Më tej akoma, humbja e një jete të vetme amerikane mund të bënte një diferencë kritike", shkruan Darroch.
ka publikuar edhe një memo të muajit të shkuar, pra qershor 2019, ku Darroch jep gjykimet e veta se përse Trump ndryshoi mendje për të sulmuar Iranin. "Ka më shumë gjasa që ai nuk e ndjente asnjëherë se duhej të sulmonte dhe të ishte i shqetësuar për atë sesi do të dukej një gjë e tillë në vitin 2020 në raport me fushatën e vitit 2016. Mjafton vetëm një sulm tjetër i Iranit diku në rajon dhe mundet të kemi një kthesë 180 gradë e Trump. Më tej akoma, humbja e një jete të vetme amerikane mund të bënte një diferencë kritike", shkruan Darroch.