Basha: Sot shqiptarët janë të etur për ndryshim, jo fasadë
Dosja me denoncimet e 30 qershorit, Glover 50 minuta në zyrën e kreut të PD- së "Qeverisja antikombëtare, do ta largojmë"
Kreu i opozitës, Lulzim Basha publikoi dje një album me foto nga protesta paqësore e 8 korrikut ndërsa shprehu mirënjohje për të gjithë ata që u bashkuan në protestën e 10 kombëtare. Basha apeloi se së bashku do ta largojmë këtë qeverisje dhe sa më parë të ndodhë kjo gjë, aq më mirë do jetë për Shqipërinë. Z. Basha shprehu bindjen e plotë se shqiptarët janë të etur për ndryshim me qëllim që t'i japin fund krizave dhe traumave të tranzicionit. Në një mesazh në "Facebook", duke ndarë dhe një video nga protesta e të hënës e opozitës, Basha thekson se vetëm ndryshimi do e fusë vendin në rrugën e sigurt drejt Bashkimit Europian dhe vlerave perëndimore. Ai shprehet se shqiptarët janë të etur për ndryshim të vërtetë për t'i dhënë fund tranzicionit, ndërsa shton se zgjedhjet e lira do i hapin rrugë këtij transformimi. Sipas tij, kjo gjë do të arrihet vetëm përmes zgjedhjeve të lira e të ndershme. "Sot shqiptarët janë të etur për ndryshim. Sot shqiptarët duan ndryshim të vërtetë, jo të përkohshëm, jo fals, jo fasadë, por ndryshim që do t'u japë fund krizave dhe traumave të tranzicionit. Një ndryshim që do të na fusë në rrugën e sigurt drejt Bashkimit Europian dhe vlerave perëndimore. Zgjedhjet e lira e të ndershme do t'i hapin rrugën transformimit politik dhe ekonomik që ka nevojë Shqipëria, do t'i hapin rrugë ndryshimit të vërtetë. Ky ndryshim është tani, qëllimi ynë kryesor, përparësia ime absolute ndaj çdo shqiptari", - theksoi z. Basha. Më herët në një tjetër mesazh Lulzim Basha shprehet se qeveria antikushtetuese duhet të largohet sa më parë. "Mirënjohje të thellë dhe falënderime nga zemra për të gjithë ata që na janë bashkuar në betejën kombëtare për Shqipërinë si gjithë Europa. Bashkë do ta largojmë këtë qeverisje antipopullore dhe antikombëtare. Sa më parë, aq më mirë për Shqipërinë! Detyra më e madhe, prioriteti numër një, është t'ju japim shqiptarëve ndryshimin e vërtetë, fundin e tranzicionit, Shqipërinë e lirive, mundësive dhe mirëqenies për të gjithë", deklaroi z. Basha. Gjatë javës lideri i
demokrat Lulzim Basha do të këtë takime me partitë aleate dhe me strukturat drejtuese të PD- së për të përcaktuar aksionin opozitar pas zgjedhjeve të 30 qershorit.
TAKIMI
Një ditë pas protestës së opozitës shefja e misionit të OSBE/ ODIHR diskutoi me kreun e opozitës Lulzim Basha në selinë blu për procesin e votimeve të 30 qershorit. PD nga ana e saj i ka parashtruar zonjës Glover të gjitha gjetjet e saj për manipulimin e votimeve për 61 kryebashkiakët. Për rreth 50 minuta në selinë blu kryetari i Partisë Demokratike në një takim me shefen
e misionit të OSBE/ ODIHR Audrey Glover i renditi pretendimet e opozitës për manipulimin e zgjedhjeve të 30 qershorit. burime nga selia blu bëjnë të ditur se shefja e misionit të OSBE/ ODIHR është takuar me kryetarin e Partisë Demokratike Lulzim Basha për t'u njohur me pretendimet e demokratëve se zgjedhjet vendore të 30 qershorit nuk janë kryer në përputhje me ligjin. Ky takim zhvillohet një ditë pas protestës së 10 kombëtare të opozitës së bashkuar. PD së bashku me aleatët e saj kanë denoncuar publikisht se votimet për zgjedhjen e kryebashkiakët u administruan nga PS, pasi anëtarët e komi
sioneve ishin emëruar nga socialistët. Gjithashtu, një tjetër fenomen që opozita ia ka parashtruar shefes së misionit të OSBE/ ODIHR është edhe ndryshimi i numrit të votave të gjetura në kuti, me numrin e zgjedhësve pjesëmarrës në proces. Ndërsa nga ana saj Glover i ka paraqitur liderit demokrat raportin paraprak ku theksohet se 30 qershori është zhvilluar në një klimë të polarizuar politike, ndërsa vendimet e KQZ sipas OSBE/ ODIHR pas tërheqjes së opozitës, vendimet e saj kanë qenë të orientuara politikisht. Raporti përfundimtar i vëzhguesve të ODIHR pritet të bëhet publike brenda dy muajve.