Kushti për dorëzimin e bashkisë, ambasadori austriak, Ademit: Jemi në 2019!

LSI: Ambasador me pushime, mos e dhëntë Zoti të...

Ambasadori

i Austrisë në Shqipërisë, Johann Sattler, iu përgjigj dje letrës së kryebashkiakes së Shkodrës, Voltana Ademi, e cila kërkoi komision ndërkombëtar për të dorëzuar detyrën te pasardhësi i saj socialist, Valdrin Pjetri. Në reagimin e tij, kryediplomati austriak i kujton Voltana Ademit se jemi në vitin 2019 dhe jo më 1913, që sipas tij, do të thotë se duhet të ketë mundësi për zgjidhjen e problemeve. "Do isha i lumtur të diskutoja. Por 2019 nuk është 1913. Shqipëria aspiron të hapë negociatat me BE. Kjo kërkon aftësinë për të zgjidhur problemet politike. Dhe për këtë nevojiten dy gjëra: Sezoni i konfliktit duhet të ndiqet nga sezoni i zgjidhjes së konflikteve. Shqiptarët duan të shkojnë me pushime me mendje të qetë", shkruan ambasadori austriak. Voltana Ademi bëri të qartë dje ( 8 korrik) se detyrën si kryebashkiake e Shkodrës mund t'ia dorëzojë vetëm ndërkombëtarëve dhe jo socialistit të zgjedhur në votimet e 30 qershorit. Nënkryetari i LSI- së Petrit Vasili reagoi pas

VALDRIN PJETRI

"Nga ndërkombëtarët Ademi s'ka pse kërkon ndërhyrje. Ademi pas vendimit të gjykatës do të duhet ta lirojë zyrën. Asgjë nuk na pengon për të marrë zyrën e bashkisë. Voltana Ademi duhet të lirojë zyrën e bashkisë", tha kryebashkiaku i ri i Shkodrës.

përgjigjes së z. Sattler: "Shqipëria jeton akoma ( edhe për shumë pak kohë) nën një kryeministër të 1913 edhe sepse disa ambasadorë kanë bërë vetëm e vetëm pushime në Shqipëri, mos e dhëntë Zoti të sponsorizuar nga vetë kryeministri që bën votime moniste që s'gjenden më as në Afrikën e zezë'.