' Manipulimi i 30 qershorit', opozita kërkon materialet zgjedhore
"Dokumentet e kërkuara nuk klasifikohen si sekret"
Opozita e bashkuar kërkon t'u faktojë shqiptarëve të gjithë manipulimin sipas saj të zgjedhjeve lokale të 30 qershorit të zhvilluara me një kandidat. Në funksion të kësaj drejtuesit e opozitës bashkë me strukturat e partive të koalicionit opozitar po mbledhin prova për të vërtetuar zgjedhjet farsë të 30 qershorit. Partitë e koalicionit opozitar i kërkojnë Komisionit Qendror të Zgjedhjeve t'u vërë në dispozicion materialet zgjedhore të 30 qershorit. Opozita e bashkuar synon që, përmes këtyre materialeve, me të drejtën që i garanton ligji, të dëshmojë para opinionit publik manipulimet e mëdha të kryera më 30 qershor. Partitë e opozitës kanë kërkuar vënien në dispozicion të materialeve zgjedhore duke iu referuar Kodit të Procedurës Administrative dhe Ligjit për të Drejtën e Informimit. Materialet zgjedhore nuk klasifikohen si sekret dhe, sipas ligjit, ato duhet të vihen në dispozicion brenda 10 ditësh. Në letër thuhet se kërkesa për vënien në dispozicion të materialeve zgjedhore bëhet "në kushtet, kur opozitës iu mohua përfaqësimi me anëtarë në të gjitha nivelet e administratës zgjedhore në votimet moniste të 30 qershorit. Kërkesa e firmosur nga Sekretari i Përgjithshëm i PD, Gazment Bardhi, në emër të partive të koalicionit opozitar, përfshin 8 elementë: Kopje të printuara të listave zgjedhore për çdo qendër votimi; kopje e vërtetuar e Tabelës Përmbledhëse të rezultatit për zonën zgjedhore nga KQZ- ja; kopje të vërtetuara të Tabelave Përmbledhëse të rezultateve zgjedhore për çdo njësi të qeverisjes vendore nga KZAZ- ja; kopje të vërtetuara të tabelave të rezultateve për çdo qendër votimi nga grupet e numërimit; kopje të vërtetuara të procesverbaleve tip për mbylljen e votimit për qendër votimi; kopje të vërtetuara të listës së anëtarëve të administratës
zgjedhore, të emëruar kryesisht nga KQZ dhe KZAZ përkatëse, duke specifikuar për secilin administratën zgjedhore në të cilën ai bën pjesë, sipas regjistrit të administrimit zgjedhor që mban
KQZ- ja, për çdo qendër votimi, KZAZ dhe Grup Numërimi; kopje të regjistrimit të kamerave të të gjitha tavolinave të numërimit në çdo Grup të Numërimit të Votave; kopje të regjistrimit të kam
SYNIMI
Opozita synon që përmes këtyre materialeve të dëshmojë sipas saj, manipulimet e kryera më 30 qershor. Partia Demokratike thekson se partitë e opozitës kanë kërkuar vënien në dispozicion të materialeve zgjedhore duke iu referuar Kodit të Procedurës Administrative dhe Ligjit për të Drejtën e Informimit.
erave të ambienteve të brendshme të KZAZ- ve. Për kërkesën e partive të opozitës, ku citohen edhe disa gjetje të Misionit të ODIHR, është vënë në dijeni dhe shefja e këtij Misioni, Audrey Glover.