"Mos ma drejto gishtin se s'jam shoku yt", deputetët e PS debat te ' Ligjet'
Ulsi Manja dhe Bashkim Fino u përfshinë në replika të forta mes tyre Shkak u bë vendimi për pallatin e familjarëve të Bashës
Pallati i familjarëve të kreut të opozitës, Lul zim Basha, që disa vite më parë u prish në Vlorë nga qeveria për të zbatuar projektin e lungomares është bërë objekt debatesh të forta mes socialistëve në Komisionin e Ligjeve. Në fakt, çdo gjë ka nisur pas dyshimeve që ngriti deputeti socialist Bashkim Fino se çështja për këtë pallat ishte humbur qëllimisht nga Shqipëria në Gjykatën e të Drejtave të Njeriut në Strasburg. Për këtë, ai kërkoi shpjegime nga Avokati i Shtetit, Artur Metani se si qëndronte e vërteta. "Pse e humbi Avokatura e Shtetit gjyqin me familjarët e Bashës në Strasburg? Është një çështje humbur apo e shitur me vetëdije. Nuk po i hyj se kush e ka pasur, se nuk dua të bëj politikë këtu, megjithëse mua më intereson politika", - tha deputeti socialist, Bashkim Fino. Por atij nuk i ka pëlqyer etiketimi nga Avokati i Shtetit si "deputet" dhe ka reaguar ashpër ndaj tij, duke i kërkuar që për respekti t'i përmendte emrin dhe mbiemrin. "Më duket i drejtë shqetësimi i zotit deputet, por nuk e di në është brenda objektit të raportimit", - nisi të thoshte Metani, ndërsa u ndërpre nga Fino. "Të lutem për etikë dhe kulturë, jam Bashkim Fino. Jam deputet i Partisë Socialiste dhe jam prej 22 vitesh në këtë Kuvend dhe shpresoj që të paktën siç di emrat e deputetëve të rinj, që kanë ardhur rishtazi dhe vlerësohen, të më vlerësosh dhe mua dhe jo me këtë etiketim. Dakord?", - u shpreh Fino. Më pas, nisur nga ky debat, ai refuzoi të merrte një përgjigje nga Metani, ndërsa në debat u përfshi edhe kryetari i Komisionit të Ligjeve, Ulsi Manja, i cili debatoi ashpër me Finon. "Ju lutem zoti Metani vazhdoni me përgjigjet, se përgjigjet i kemi për opinionin publik dhe nuk i kemi për njeri- tjetrin", - tha Manja. Por, kjo ndërhyrje e tij nuk i ka pëlqyer aspak kolegut të tij të grupit parlamentar, Fino, i cili i ka kujtuar Manjës se si kryetar komisioni duhet të kishte reaguar dhe të mbante qëndrim. "Të takon ty si drejtues i komisionit që të mbaje qëndrim, të takon ty", - reagoi Fino, ndërsa iu drejtuar Manjës me gisht. Një veprim
ky, që nuk është pranuar nga kryetari i komisionit, i cili i ka kërkuar Finos që të mos i drejtojë gishtin, duke i kujtuar se nuk ishin shokë bashkë. "Të lutem, të lutem! Gishtin mos ma drejto mua, se nuk jam shoku yt unë. Vazhdoni me përgjigjen", - tha Manja. Gjykata Europiane e të Drejtave të Njeriut dënoi Qeverinë shqiptare të paguajë mbi 13 milionë euro për të kompensuar pronarët e ish- kompleksit "Jon", që
u prish nga Inspektorati Kombëtar i Territorit në dhjetor të 2013- ës. Pallati, i ndërtuar nga vjehrri i kreut të Partisë Demokratike, Lulzim Basha tek "Uji i Ftohtë" në Vlorë ishte ndër godinat e para që u prish nga qeveria e Edi Ramës, sipas saj për t'i hapur rrugë ndërtimit të lungomares. Por, Gjykata e Strasburgut thotë se qeveria ka vepruar në mënyrë të paligjshme duke e dënuar atë të paguajë 13.1 milionë
euro, përfituesi kryesor i të cilëve është Xhafer Isufi, vjehrri i Bashës, por mes atyre që marrin dëmshpërblim është edhe Avokatja e Popullit, Erinda Ballanca, që kishte blerë apartament tek ai kompleks. Në 27 nëntor 2013 qeveria nxori me urgjencë një vendim për të dëmshpërblyer banorët me një fond total prej 3.4 milionë eurosh dhe vetëm një javë më vonë, pallati u shemb përmes shpërthimit.