"Sfida e vështirë", Basha: Opozita do të sjellë ndryshimin
Kreu i PD: Luftë oligarkëve, kemi pasuri kombëtare aq sa mund të jetojmë në kamje "Qeveria e re do të hapë negociatat me BE- në"
Lulzim Basha është i bindur që vetëm qeveria e re, e cila do të dalë nga zgjedhjet e lira do t'i hapë shumë shpejt negociatat me BE- në. Lideri i opozitës shprehet i vendosur për të vazhduar betejën e nisur për rrëzimin e qeverisë. Kreu i PD- së edhe dje vijoi me ndarjen e momenteve nga protesta e opozitës me 8 korrik, ndërsa shkruan në "Facebook" se shumica absolute e shqiptarëve të vendosur në betejën për largimin e Edi Ramës duhet ta dijë se Partia Demokratike do t'i prijë aspiratës së tyre për ndryshim. "Ky ndryshim - garanton Basha - nuk mund të jetë dhe nuk do të jetë çështje fjalësh, por veprash dhe garancish". Në një postim në "Facebook" Basha shprehet se qeveria e re që do të dalë nga zgjedhjet e ndershme, do të hapë negociatat e anëtarësimit me Bashkimin Europian. Sipas kryedemokratit, ekonomia e lirë dhe konkurrenca e ndershme do ta nxjerrin vendin nga varfëria. "Shumica absolute e shqiptarëve të vendosur dhe mendjendarë në betejën për largimin e Edi Ramës dhe regjimit të tij. Duhet ta dinë se PD, opozita e bashkuar e ka dëgjuar dhe do t'i prijë aspiratës suaj për ndryshim. Ky ndryshim nuk mund të jetë dhe nuk do të jetë çështje fjalësh, por veprash dhe garancish. Së bashku ne do ta kthejmë këtë mazhorancë absolute të refuzimit të regjimit, mazhorancën absolute ' Rama ik', në mazhorancën kombëtare të ndryshimit të madh për çdo shqiptar. Zgjedhjet e lira e të ndershme do t'i hapin rrugën transformimit politik dhe ekonomik që ka nevojë Shqipëria, ndryshimit që kërkojnë shqiptarët", deklaroi z. Basha. Lideri i opozitës garantoi se qeveria që do të dalë nga zgjedhjet e lira, do të hapë menjëherë negociatat me BE- në, do ta fusë vendin në rrugën e përparimit dhe zhvillimit. Nisur nga kjo, Lulzim Basha premtoi se do t'i prijë aspiratës së shqiptarëve për ndryshim. "Rruga e përparimit kërkon një ekonomi të lirë dhe konkurrencë të ndershme. Lufta kundër monopoleve, lufta kundër klientelizmit, lufta kundër kapjes së ekonomisë, lufta kundër varfërisë do të jetë sfida jonë më e vështirë", theksoi z. Basha. Ai u shpreh i sigurt se PD- ja nuk
PREMTIMET
"Lufta kundër monopoleve, lufta kundër klientelizmit, lufta kundër kapjes së ekonomisë, lufta kundër varfërisë do të jetë sfida jonë më e vështirë. Shqipëria ka aq shumë pasuri dhe mundësi natyrore, sa shqiptarët mund të jetojnë të gjithë në kamje. Ata duan vetëm lirinë, vetëm konkurrencën e ndershme që të prodhojnë dhe krijojnë me mundin dhe aftësinë e tyre. Ne do t'i hapim tregjet", tha z. Basha.