Telefonata e komedianëve, Haradinaj pre e kurthit si Zaev
"Kosova i jep 10 komuna Serbisë"! Kryeministri kosovar: S'na ndani dot Zaev i jep numrin e homologut, pritet publikimi i përgjimit të dytë
kishte dhënë humoristëve rusë numrin e telefonit të kryeministrit të Kosovës, Ramush Haradinaj, duke thënë se "është e natyrshme që t'ua jap numrat e telefonit të liderëve rajonalë" komedianëve rusë. Komedianët si duket kanë folur edhe me kryeministrin e Kosovës, Ramush Haradinaj, pasi morën numrin e tij nga Zaevi. Megjithëse audio nga ajo bisedë nuk është publikuar ende, ishte bërë e ditur se edhe kryeministri Haradinaj kishte rënë pre e komedianëve nga telefonata e rreme ku këta ishin prezantuar në emër të ish- presidentit Petro Poroshenko. Haradinaj, pati bërë të ditur se e përkrahë "mikun e tij", Petro Poroshenkon për zgjedhjet presidenciale në Ukrainë dhe se kryeministrit të ardhshëm, Vovan Lexusov i dëshiron të gjitha të mirat dhe fitore për ta udhëhequr Ukrainën. Realisht, emri i kryeministrit "Vovan Lexusov" është një emër i rremë, respektivisht është kombinim i emrave të dy komedianëve Vovan dhe Lexus. Haradinaj, i është përgjigjur telefonatës të rremë nga Poroshenko përmes një shkrimi në ' Twitter' duke mbështetur Poroshenkon për president dhe duke thënë se Vovan Lexusov ( një emër i rremë) duhet të bëhet kryeministër i Ukrainës. "E uroj popullin ukrainas për zgjedhje të lira dhe demokratike. Mikun tim Poroshenko dhe kryeministrin e ardhshëm Vovan Lexusov i dëshirojë të gjitha të mirat dhe fitore për ta udhëhequr Ukrainën drejt integrimeve euroatlantike. Kosova dhe Ukraina qëndrojnë së bashku si popuj të lirisë dhe prosperitetit", kishte shkruar Haradinaj. Të parit të Qeverisë së Kosovës iu ishte premtuar edhe se Kosova do të njihet nga Ukraina, nëse Poroshenko fiton zgjedhjet presidenciale. Komedianët e kishin konfirmuar se kanë biseduar me Haradinaj në një prononcim për agjencinë ruse të lajmeve Ria Novosti, derisa kishin thënë se një gjë e tillë kishte ndodhur tre herë. Lexus dhe Vovan njihen si dy burrat më të çuditshëm në Rusi. Dyshja emrat e të cilëve janë, Alexei Stolyarov dhe Vladimir Kuznetsov njihen si "prank callers" ( thirrësit mashtrues), së fundmi kanë mashtruar këngëtarin, Elton John dhe presidentin e Turqisë, Rexhep Taip Erdogan. Kritikët, megjithatë, dyshojnë se prapa çiftit qëndron një sekret i errët, me dyshimin se kanë lidhje me shërbimin e sigurisë të Rusisë. Dyshja mori vëmendjen e mediave, kur dy komedianët arritën ta bindin politikanen Nadezhda Savchenko - një ukrainase e cila akuzohet në Rusi për vrasjen e dy gazetarëve rus, që të ndalë grevën e urisë. Përmes një letre të rremë dhe thirrjeve telefonike, dyshja bindën avokatët e Savchenkos se presidenti ukrainas, Petro Poroshenko u kishte bërë një kërkesë personale që ajo të ndalonte grevën e urisë. Vovan dhe Lexus, emrat me të cilët ata njihen, në të kaluarën kanë thirrur persona të famshëm si Elton John duke pretenduar se janë Putini, dhe duke premtuar se do të reformojnë qasjen ruse në ligjet e LGBT- së. Artisti, Elton John një kritik i ashpër i ligjeve të Rusisë mbi "propagandën e homoseksualëve" më parë kishte thënë se donte të takohej me presidentin rus për të folur për të drejtat e homoseksualëve dhe ishte i kënaqur kur u shfaq dëshira e tij u bë e vërtetë. Ndërkaq kryeministri i Maqedonisë së Veriut, Zoran Zaev, ka alarmuar Kosovën, teksa është dëgjuar në një telefonatë duke thënë se me planet e Thaçit e Vuçiçit për shkëmbim territoresh, Kosova do t'ia japë Serbisë 10 komuna. "Jemi kundër, kjo është një bombë e kurdisur", thotë Zaevi. Kryeministri i Maqedonisë së Veriut po mendonte se ishte duke biseduar me ish- presidentin ukrainas, Petro Poroshenko, por në të vërtetë ata ishin dy komedianë rusë. E ndaj kësaj deklarata ka reaguar kryeministri i Kosovës, Ramush Haradinaj, i cili ka thënë se sovranitetin, integritetin dhe paprekshmërinë e Kosovës, siç thotë ai, do ta mbrojnë me çdo çmim. "Të nderuar qytetarë të Republikës së Kosovës. Jemi bashkë dhe jemi të fortë! Askush nuk do të na ndajë. Sovranitetin, integritetin dhe paprekshmërinë e Kosovës, do ta mbrojmë me çdo çmim. RH", shkruan Haradinaj.