Bushati: Rikthimi i marrëveshjes së detit nga Greqia, skenar ogurzi
Ish- ministri kundërshton ratifikimin nga pala greke të marrëveshjes së 2009 "Natyrisht që për ne është një marrëveshje e vdekur"
Për ish- ministrin e Jas htëm, Ditmir Bushati, largimi fillimisht i ishhomologut të tij grek, Nikos Kotzias, por edhe marrëveshja e Prespës mes Greqisë dhe Maqedonisë si dhe qëndrimi me rezerva i Presidentit Ilir Meta, e bënë të pamundur kurorëzimin e përpjekjeve për të arritur një marrëveshje që do ti jepte zgjidhje një sërë çështjeve të mbetura pezull mes vendit tonë dhe vendit helen. Në një intervistë për emisionin "31 Minuta", ish- ministri Bushati është shprehur se të dyja palët synuan të ndërtonin një proces të ri që të çonte drejt një marrëveshjeje më të drejtë, të bazuar mbi legjislacionin ndërkombëtar dhe mbi konventën e detit, por se rrethanat sollën që tashmë ajo të konsiderohet një shans i humbur për të dyja vendet që t'i jepnin fund çështjeve të nxehta që kanë mbetur pezull prej dekadash. "Besoj se qasja në paketë ka qenë një qasje që ka ndihmuar të dyja palët për të ardhur sa më pranë për zgjidhjen e këtyre problematikave. Për shkak të situatës së brendshme në Greqi, firmosjes dhe kalimit të marrëveshjes së Prespës dhe turbulencës politike që e pasoi atë në Greqi, por ndoshta edhe për shkak të situatës politike në Shqipëri, ku siç dihet, kishte një lloj hezitimi nga ana e presidentit të republikës për të vijuar me tej me procesin e delimitimit të hapësirës detare, një proces të cilin Presidenti i Republikës e lidhi me funksionalitetin e Gjykatës Kushtetuese, gjërat nuk arritën dot të shkonin drejt përfundimit. Ka qenë një shans i humbur, por nga ana tjetër është bërë një punë voluminoze dhe shpresoj që me qeverinë e re në Greqi të fitohet koha e humbur dhe të shkojmë drejt mbylljes së problematikave dypalëshe", - deklaroi ish- ministri Bushati. Nga ana tjetër ai ka theksuar se për palën shqiptare ajo marrëveshje është e "vdekur" dhe pa asnjë lloj vlere. "Natyrisht që për ne është një marrëveshje e vdekur, për sa kohë ka një vendim të qartë të Gjykatës Kushtetuese. Fakti që jemi ulur në tryezë me palën greke, që ka pasur një plotfuqishmëri të lëshuar nga