Doli me leje nga burgu dhe ekzekutoi shokun me plumb në kokë, arrestohet Artan Koçeku
Nga vrasja te grabitjet e pikave të karburanteve, kush është "tmerri" i Shkodrës Ngjarja në dhjetor të vitit 2017, mori shkas për borxhin 30.000 euro
Pas një vit e shtatë muaj, policia e Shko drës ka arrestuar autorin e vrasjes së Angjelin Shkambit. Në pranga ka rënë 29- vjeçari Artan Koçeku, i shpallur në kërkim për vrasje, i cili qarkullonte me armë zjarri me fishek në fole. Më 17 dhjetor të vitit 2017, i riu ka vrarë me armë zjarri duke e qëlluar me disa plumba në kokë Angjelin Shkambin. 35vjeçari u gjet i vrarë brenda makinës së tij në afërsi të varrezave të Stom Golemit. Sipas Prokurorisë së Shkodrës, vrasja kishte ndodhur për një borxh 30 mijë euro, ndërsa viktima dhe autori ishin miq. "Strukturat e Drejtorisë Vendore të Policisë Shkodër në vijim të punës për kapjen e personave në kërkim, falë informacioneve të marra në rrugë operative dhe një pune të mirorganizuar, finalizuan me sukses operacionin policor të koduar ' Iron Hand', ku si rezultat është kapur dhe ndaluar shtetasi Artan Koçeku 29 vjeç, banues në fshatin Pog, Shkodër. Ky person me rrezikshmëri të lartë shoqërore, në momentin e kapjes nga forca e posaçme ' Shqiponjat', ka tentuar të largohet me vrap, por është neutralizuar dhe shoqëruar në ambientet e D. V. P Shkodër. Për këtë shtetas në lidhje me ngjarjen e ndodhur në datën 17. 12. 2017, gjykata ka vendosur masën e sigurisë ' Arrest në burg'", thuhet ndër të tjera në njoftimin e policisë. Ndërsa sqarohet se gjatë kontrollit në automjetin me të cilin udhëtonte 29- vjeçari, policia gjeti dhe sekuestroi në cilësinë e provës materiale një armë zjarri tip pistoletë me fishek në fole dhe një krehër me fishekë, që i përkiste një armë tjetër zjarri tip pistoletë. Gjithashtu, në automjet së bashku me këtë person ka qenë edhe shtetasi Rr. D., 24 vjeç, banues në Tiranë, i cili u arrestua në flagrancë për veprën penale "Përkrahja e autorit të krimit" .
NGJARJA
Shtetasi Artan Koçeku, i cili ka përfituar leje shpërblimi nga burgu i Peqinit ku vuante dënimin për ngjar
jen e ndodhur në vitin 2013, për veprën penale "Vjedhja me arme?" nuk u paraqit në vendin e vuajtjes së dënimit në ditën e caktuar. Gjatë kësaj kohe, më datë 17.12.2017, ky person ka vrarë me armë zjarri shtetasin Angjelin Shkambi 35 vjeç, banues në Pulaj, Velipojë, Shkodër. I njëjti person në vitin 2018 është përfshirë në një konflikt me armë dhe gjatë ndjekjes nga policia ka braktisur mjetin në fshatin Shtoj i Ri dhe ka mundur të largohet. Materialet iu referuan Prokurorisë së Rrethit Gjyqësor Shkodër për veprat penale "Vrasja me paramendim", "Prodhimi dhe mbajtja pa leje e armëve
dhe municionit luftarak" dhe "Largimi i te? burgosurit nga vendi i qëndrimit".
KUSH ËSHTË ARTAN KOÇEKU
Përveç vrasjes së shokut të tij, 35- vjeçarit Angjelin Shkambi, mbi të riun rëndojnë edhe një sërë akuzash të tjera. Artan Koçeku rezulton i dënuar me 8 vite burg për akuzën e "Grabitjes me armë" të disa pikave të karburantit në Shkodër. 28- vjeçari me precedentë të theksuar kriminalë u arrestua në vitin 2013, si pjesë e një grupit të përbërë prej 4 personash, të cilët grabisnin me armë pika karburantesh. Në atë kohë, policia numëroi 8 pika të grabitura në lagje të ndryshme të qytetit verilindor. Së bashku me të arrestuarit e tjerë, Pashko Qarri e dy vëllezërit Mikel e Marjan Thani, janë edhe autorë të vendosjes së eksplozivit në automjetin në pronësi të efektivit të policisë P. Vuksani në lagjen "Skënderbeg" në Shkodër në shkurt të vitit 2013. E shkuara kriminale e Koçekut nuk përfundon me kaq. Së bashku me dy persona të tjerë të shpallur në kërkim në atë kohë ( Fred Shkembi dhe Tom Gjergji) ata ishin autorë të vjedhjes së 12 dyqaneve po në Shkodër.