Kuvendi kërkon opinionin e Komisionit të Venecias për konfliktin me Metën
Komisioni që do hetojë Presidentin ka kërkuar ekspertizë ndërkombëtare Deputetët propozuan thirrjen e Metës në mbledhje pa dëshirë
Në mungesë të Gjykatës Kushtetuese, Ku vendi do i drejtohet Komisionit të Venecias për një opinion të specializuar për konfliktin kushtetues në lidhje me kompetencën e Presidentit të Republikës për zhdekretimin e datës së zgjedhjeve. Vendimi është marrë dje nga komisioni i posaçëm hetimor, i cili ka miratuar kërkesën e deputetes socialiste, Klotilda Bushka për t'iu drejtuar "Venecias" për një interpretim të specializuar lidhur me debatin e krijuar për aktin e nxjerrë nga kreu i shtetit për zhdekretimin e zgjedhjeve të 30 qershorit. "Ky është rasti për t'iu drejtuar Komisionit të Venecias me një kërkesë për opinion për sa kohë shumë çështje që lidhen me kërkesën që ne kemi marrë në shqyrtim i referohen edhe faktit të sjelljes nga ana e Presidentit me pushtetin në një mënyrë arbitrare siç pretendohet, dhe duhet parë kjo sjellje në raport me pushtetet e tjera. Kjo është një çështje që hyn në analizën që i bëhet natyrës së rolit të Presidentit në republikën parlamentare", - tha Klotilda Bushka. Kërkesa e saj fillimisht është kundërshtuar nga deputetët e opozitës së re të cilët kanë theksuar se kjo ishte një çështje e brendshme se përgjigja nga Komisioni i Venecias mund të vijë më vonë se sa është afati i veprimtarisë së këtij komisioni. Ndërkohë që nënkryetari i komisionit hetimor, Alban Zeneli u shpreh se Kuvendi duhet t'i drejtohej Komisionit të Venecias për të sjellë një ekspert të vetin dhe jo t'i kërkohej opinion mbi këtë çështje. Por deputetët socialistë e kundërshtuan këtë propozim duke theksuar se Komisioni i Venecias vepron vetëm me opinione dhe aty jep gjithë ekspertizën e vet ligjore për çështjet që shqyrton. Në fund komisioni vendosi ta pranojë propozimin e Klotilda Bushkës duke i kërkuar zyrtarisht Kuvendit që t'i drejtohet me një shkërbesë zyrtare Komisionit të Venecias për opinion. "Komisioni hetimor do i drejtohet Komisionit te Venecias. Bushka do bëjë gati kërkesën me argumente për t'ia dërguar Kryetarit të Kuvendit, i cili ia përcjell më pas Komisionit të Venecias", - tha Manja, kryetar i komisionit. Ndërkohë që paralelisht komisioni he
timor për shkarkimin e Presidentit Ilir Meta teksa miratoi me konsensus planin paraprak të hetimit dhe rregulloren e veprimtarisë së vet, përcaktoi edhe të drejtën për të thirrur një ekspertizë vendase dhe të huaj për të asistuar veprimtarinë e tij dhe çështjet, të cilat do të kenë debat. Në planin e veprimit dhe hetimit të këtij komisioni u vendos edhe thirrja e institucioneve dhe personave që do të japin opinion dhe do të merren në pyetje mbi
këtë çështje. Kështu, një ndër ta do të jetë edhe Presidenti i Republikës Ilir Meta. Anëtari socialist Alket Hyseni theksoi se komisioni duhet të vendosë në dijeni Presidentin për fillimin e punës dhe se ka të drejtën për t'u shprehur. Por deputeti Alban Zeneli theksoi se duhet të përcaktohet që fillimisht ai të njoftohet për të ardhur me dëshirë dhe më pas nëse refuzon të thirret në mënyrë të detyrueshme. "Ne duhet ta thërrasim në radhë të
parë me dëshirën e tij, ndërsa herën e dytë pa dëshirën e vet", - tha Zeneli. Por kryetari i komisionit sqaroi se mënyrën e paraqitjes së presidentit e përcakton Kodi i Procedurës Penale. "Rregullat e paraqitjes janë përcaktuar në Kodin e Procedurës Penale. Në këtë fazë nuk besoj se duhet të ndalemi në këtë pikë", - tha Manja. Ai, gjithashtu, bëri të ditur se nëse komisioni nuk e mbyll punën e vet brenda afatit 3 mujor, ai mund të kërkojë shtyrje të afatit.