Ngërçi, Meta: "Ramaforma" e la vendin pa Gjykatë Kushtetuese
Presidenti kthen 2 ligje, privatizimin e ndërmarrjeve shtetërore dhe vetëqeverisjen lokale "Mënyra për t'i kontrolluar vendimmarrjet antikushtetuese'
Kreu i shtetit Ilir Meta akuzon kryeminis trin Edi Rama se për 2 vite me radhë ka penguar funksionimin e institucioneve të reja të drejtësisë dhe të Gjykatës Kushtetuese. Sipas kreut të shtetit ramaforma e la vendin pa Gjykatë Kushtetuese prej më shumë se një viti. Përmes një statusi në rrjetin social ' Facebook', Meta shkruan se ramaforma, nuk e donte Gjykatën Kushtetuese funksionale, sepse vetëm kështu nuk kishte se kush t'i kontrollonte vendimmarrjet antikushtetuese. Pa Gjykatë Kushtetuese, nuk kishte ku të ankohej as opozita, as presidenti, as grupet e interesit dhe as qytetarët për çdo shkelje kushtetuese të qeverisë dhe Kuvendit. Ndaj z. Meta tregon se si kreu i qeverisë shantazhoi anëtarët e KED me procesin e vetingut dhe dezinformoi ambasadorët Lu dhe Vlahutin, të angazhuar drejtpërdrejtë në këtë proces. Përse kryeministri sulmoi institucionin e parë të reformës në drejtësi sipas Presidentit të Republikës? "Sepse anëtarët e KED 2017 nuk i përgjigjeshin interesave dhe shijeve të kryeministrit. Ai me presionin e ushtruar i detyroi të jepnin dorëheqjen, apo shkarkoi shumicën e anëtarëve të KED, siç e kishte premtuar dhe kërcënuar publikisht. Ndërkohë zbrazja e Gjykatës Kushtetuese ishte projektuar dhe kishte filluar të zbatohej", shprehet z. Meta. Pas hedhjes së shortit në dhjetor të 2017, Presidenti thotë që i ka kërkuar KED të mblidhej dhe të shqyrtonte kandidaturat për plotësimin e vakancave për në Gjykatën Kushtetuese. Por sërish pas kësaj thirrje të Kreut të Shtetit, kryetari i Komisionit të Ligjeve Ulsi Manja kërcënon anëtarët e KED me vetingun. Sipas Metës, kjo është mënyra se si ramaforma shantazhoi Këshillin e Emërimeve në Drejtësi për 2 vite me radhë, 2017 dhe 2018, dhe bllokoi emërimin e gjyqtarëve të rinj të Gjykatës Kushtetuese. "Një tjetër guinness i ri shqiptar, 16 muaj pa Gjykatë Kushtetuese funksionale. Ramaforma nuk e donte Gjykatën Kushtetuese funksionale, sepse vetëm kështu nuk kishte se kush t'i kontrollonte vendimmarrjet antikushtetuese që ai reali
zoi me ligjin për teatrin, për PPP- të. Pa Gjykatë Kushtetuese, nuk kishte ku të ankohej as opozita, as presidenti, as grupet e interesit dhe as qytetarët për çdo shkelje kushtetuese të qeverisë dhe kuvendit",- tha z. Meta. Pas kësaj analize 2vjeçare, presidenti Ilir Meta paralajmëron se do të ketë të tjera arsyetime se pse reforma në drejtësi është kthy
er në një ramaformë.
KTHIMI
Vetëm pak orë pasi ktheu për rishqyrtim ligjin për rezervat e materialeve shtetërore, Presidenti i Republikës refuzoi të dekretojë dy akte të tjera mazhorancës të kaluara në seancën plenare të 20 qershorit. I pari ka të bëjë me ndryshimet në ligjin për pronat e paluajtshme të shtetit, ku parashikohet që kalimi i pronës shtetërore në private në funksion të planeve të përgjithshme vendore, të bëhet me vendim qeverie. Për presidentin, kjo është një tjetër kompetencë që kryeministri ia merr ligjit të miratuar që në vitin 2001. "Pikërisht ky delegim që jep ligji nr. 37/ 2019, tek organi i Këshillit të Ministrave, është i ndaluar sipas parashikimeve të ligjit nr.
AKUZA
"Ramaforma nuk e donte Gjykatën Kushtetuese funksionale, sepse vetëm kështu nuk kishte se kush t'i kontrollonte vendimmarrjet antikushtetuese që ai realizoi me ligjin për teatrin, për PPP- të. Pa Gjykatë Kushtetuese, nuk kishte ku të ankohej as opozita, as presidenti, as grupet e interesit dhe as qytetarët për çdo shkelje kushtetuese të qeverisë dhe Kuvendit", - tha z. Meta.
8743/ 2001, i cili kërkon që pronat e paluajtshme publike apo pronat e paluajtshme të shtetit tjetërsohen ose jepen në përdorim sipas mënyrave dhe kufijve të përcaktuar me ligj, dhe jo me vendim të Këshillit të Ministrave", shprehet z. Meta. Në funksion të zhvillimit të pronës nga njësitë vendore, mazhoranca ka bërë ndryshime edhe në një tjetër ligj, atë për vetëqeverisjen vendore. Kreu i shtetit kërkon rishikimin e neneve 3 dhe 4, pasi sipas tij formulimi i ri u jep të drejtën këshillave bashkiakë të miratojnë me shumicë të thjeshtë tjetërsimin e pronave, kur ligji i mëparshëm përcaktonte që vendimmarrja të bëhej me jo më pak 3/ 5 e këshillave. "Nëse Kuvendi i Shqipërisë, vlerëson t'i japë autoriteteve vendore një kompetencë të re ligjore, që përfshin të drejtën për të bashkëpunuar me subjekte apo personave privatë për zhvillimin e pronës në pronësi të autoriteteve vendore, atëherë kjo e drejtë për të zhvilluar pronën, e cila përbën një nga mënyrat e tjetërsimit të pronës, duhet të përfshihet në ato raste ku vendimi për këtë çështje duhet të merret me një shumicë të cilësuar në Këshillin Bashkiak",- shprehet z. Meta. Refuzimi i këtyre akteve nga Presidenti u shtohet disa ligjeve që kreu i shtetit i ka kthyer për rishqyrtim, duke nisur që nga ligji për uljen e tatimit për lojërat e fatit, ligji për teatrin, ai për Kadastrën dhe deri te ligji për vetingun e policisë.