Malaj: Jam kërcënuar, shkarkimi është veprim i pastër politik
Anëtari
i Këshillit Mbikëqyrës i Bankës së Shqipërisë, Arben Malaj ka reaguar pas njohjes së nismës së propozuar nga ana e PS- së që kërkon shkarkimin e tij nga ky pozicion. Nëpërmjet një komenti në rrjetet sociale ai thekson se në të gjitha detyrat që ka pasur i ka shërbyer vendit me integritet dhe profesionalizëm. "Vendit tim i kam shërbyer në çdo kohë me integritet të lartë, profesionalizëm të thellë dhe dashuri të madhe. Të tria këto vërtetohen gjatë përvojës 32- vjeçare në çdo angazhim akademik, shoqëror dhe politik. Ju ka kam paralajmëruar që u bënë përpjekje maksimale për të mos më rizgjedhur. Për interesat dhe emrat konkretë do të flas fillimisht në procesin e ballafaqimit parlamentar. Në respekt të institucionit të Bankës së Shqipërisë nuk do të bëjë asnjë deklaratë specifike përpara nisjes së ballafaqimit institucional", - shkroi Malaj. Ai nuk nguron që në këtë reagim të tijin të denoncojë edhe kërcënimet që sipas tij i janë bërë gjatë këtyre kohëve nga drejtues socialistë. "Kërcënimet paralajmëruese m'i ka dërguar Taulant Balla pas mospranimit të ndërhyrjes së tij edhe me SMS me rekomandime partiake në proceset e përzgjedhjes në Bordin e Bankës së Shqipërisë. Shqetësimi është i protokolluar në mbledhjen e Bordit të BSH. Fakti që pas shkarkimit nga Erdogan të Guvernatorit të Bankës së Turqisë, ky mund jetë rasti i dytë që mazhorancat e gjithëpushtetshme shkarkojnë një anëtar Bordi të Bankës Qendrore, vetëm profesionalisht më trishton. Veprimi i tyre është i pastër politik, sepse shkeljet etike materializohen me cenim të reputacionit apo eficiencës së Bankës së Shqipërisë, gjë që sipas vlerësimeve edhe të institucioneve ndërkombëtare nuk konstatohen të tilla", - shprehet Malaj.
drime dhe vlerësime janë pjesë e analizave politike të lidhura me grupime politike, besojmë se ato dëmtojnë edhe imazhin e bankës", thuhet në
kërkesë. E vetmja liri për socialistët për anëtarët e këshillit është e veprimtaria akademike, e megjithatë ajo vendoset me kushtin që ar
tikujt të mos përfaqësojnë mendimin e institucionit, por atë vetëm atë personal. "Daljet dhe prononcimet publike për tema thellësisht politike
kanë qenë të vazhdueshme dhe gjatë periudhës zgjedhore për zgjedhjet lokale të 30 qershorit. Ky fakt përbën argumente të shtuara për sjellje jo etike, në konflikt të hapur me funksionin, me manualin e Monitorimit të miratuar me Vendim Kuvendi dhe me standardet e vendosura të paktën në dy zgjedhjet e fundit. Në përfundim të kësaj analize, vlerësojmë se anëtari i këshillit është në kushtet e ndalimit të mëtejshëm të ushtrimit të funksionit, sipas rastit të parashikuar nga neni 47/ pika 2 e ligjit", - thuhet në konkluzionet e kësaj kërkese.
FIRMAT
Por, duket se jo të gjithë në grupin socialistë kanë qenë dakord për këtë nismë. Burime pranë grupit kanë
bërë të ditur se një pjesë e emrave të njohur të PS- së dhe që dikur kanë qenë pjesë e të njëjtës familje dhe kauze politike, nuk kanë pranuar të jenë pjesë e grupit nismëtar. Kjo është reflektuar edhe në emrat që kanë pranuar të foirmosin, ku veç Taulant Ballës dhe Spartak Brahos të gjithë emrat e tjerë firmëtar kanë ardhur në Kuvend me brezin e ri dhe pasi Malaj është larguar prej tij. Kështu, veç Gramoz Ruçit, në listën e firmëtarëve mungon firma e Pandeli Majkos, Fatmir Xhafës, Erion Braçes, Bashkim Finos, Anastas Angjelit, Blendi Klosit, Fidel Yllit, Musa Ulqinit apo Paulin Sterkajt, të gjithë këta socialistë që së bashku me Malajn kanë ndarë shumë beteja politike.