Meta, apel Bashës e Ramës: Mundësoni zgjedhje në 13 tetor
Apeli i presidentit: Nuk ecet në dy rrugë të kundërta, koha është tani "Stop kapjes së institucioneve, bëni tri palë zgjedhje"
Presidenti Ilir Meta u bën thirrje palëve poli tike që të bëjnë çmos për të pasur zgjedhje më 13 tetor, si një mundësi e vetme, sipas tij, që Këshilli i BE- së të japë vendim pozitiv për çeljen e negociatave për anëtarësim të Shqipërisë, vendim që pritet të merret më 17- 18 tetor. Një ditë pasi priti Lulzim Bashën në zyrën e tij, Meta përsërit ftesën për palët politike që të ulen në dialog dhe të pranojnë që 13 tetori të jetë data e zgjedhjeve parlamentare, lokale e presidenciale. Meta e konsideron 30 qershorin vetëm si datë kalendarike dhe jo si datë ku u zhvilluan zgjedhje lokale. Ai shton se vendi ka përpara dy data të rëndësishme si 17 dhe 18 tetori, ku BE- ja do të marrë një vendim për hapjen ose jo të negociatave me Shqipërinë. Nisur nga kjo, Meta shton se vendi nuk mund të ecë më në rrugë të kundërta, atë të kapjes së institucioneve nga njeri krah dhe delegjitimimit të institucioneve nga ana tjetër. "Nuk mund të vazhdohet më të ecet në dy rrugë të kundërta, që nuk takohen me njëra- tjetrën: në një anë atë të kapjes së çdo institucioni, çdo zyre dhe çdo vendi pune dhe atë të delegjitimimit të çdo institucioni nga ana tjetër. Të dyja palët duhet t'u krijojnë mundësinë të gjithë qytetarëve shqiptarë që në mënyrë të qetë, civile dhe demokratike të shprehin sovranitetin e tyre për të gjitha institucionet, vendore dhe qendrore, përfshi dhe presidentin nga populli, në 13 tetor", u shpreh presidenti i vendit. E gjitha kjo sipas kreut të shtetit duhet bërë për hir të së ardhmes europiane të vendit, sidomos në prag të vendimit për çeljen ose jo të negociatave. Duke sulmuar në këtë mënyrë qeverinë, kreu i shtetit shkruan se palët politike duhet t'u japin mundësinë shqiptarëve që në mënyrë të qetë dhe demokratike të shprehin të drejtën e tyre me votë për institucionet vendore, lokale dhe për Presidentin nga populli në datë 13 tetor. Në të kundërt - vijon Meta - në 19 tetor do të jetë shumë vonë. Meta kërkon kështu veç përsëritjes së