Basha në Vjenë: Zgjedhje të lira dhe qeveri tranzitore pa Ramën
Krerët e opozitës, me përfaqësuesit e lartë të OSBE
Lideri i PD- së, Lulzim Basha nuk tërhiqet nga kërkesat e opozitës së bashkuar, për largimin e Ramës si kryeministër dhe krijimin e një qeverie tranzitore, krijimin e një qeverie të re, e cila garanton lirinë e votës së shqiptarëve, por edhe ndëshkimin nga drejtësia të hajdutëve të zgjedhjeve. Prej të mërkurës, kreu i Partisë Demokratike Lulzim Basha i shoqëruar dhe nga krerët e partive aleate Monika Kryemadhi e LSIsë, Fatmir Mediu i PR- së dhe Agron Duka i PAA- së ndodhen për një vizitë në Vjenë ku kanë zhvilluar takime me përfaqësues të lartë të OSBE. Në fokus të diskutimeve ka qenë kriza politike dhe qëndrimi i palëkundur i opozitës për zgjedhje të lira dhe të ndershme me një qeveri tranzitore pa Edi Ramën kryeministër. Në Vjenë, ku ka takuar përfaqësues të lartë të OSBE, Basha thotë se ka ndarë me ta shqetësimin për krizën në vend si dhe qëndrimin e pandryshuar të opozitës së bashkuar. "Në Vjenë me përfaqësuesit e lartë të OSBE ndamë shqetësimin për krizën dhe qëndrimin e pandryshuar të opozitës së bashkuar: zgjedhje të lira e të ndershme me një qeveri tranzitore pa Edi Ramën, që garanton lirinë e votës dhe ndëshkimin nga drejtësia të hajdutëve të zgjedhjeve" njofton Basha në ' Twitter'. Vizita e Bashës vjen pasi ky i fundit deklaroi se opozita pranon propozimin e kreut të shtetit për të zhvilluar tre palë zgjedhje të 13 tetor, ato të përgjithshme, lokalet dhe presidencialet. Qëndrimi ishte rezultat i një takimi kokë më kokë të Bashës me kreun e shtetit, Ilir Meta. Mëngjesin e së martës, Lulzim Basha pas takimit me kreun e shtetit u shpreh se vlerëson qëndrimin e Presidentit se 13 tetori është një mundësi për
daljen nga kriza politike duke krijuar idenë e tërheqjes nga kushti për zgjedhje pa Ramën kryeministër. Pavarësisht kësaj, lideri i opozitës nga Vjena dje bëri të ditur se nuk tërhiqet nga qëndrimi për qeveri tranzitore dhe pa Edi Ramën kryeministër. Ndërkohë Monika Kryemadhi dy ditë më parë deklaroi nga Durrë
si gjatë një takimi me strukturat se për LSI- në nuk do të ketë pushime, pasi kanë nisur fushatën për zgjedhjet e 13 Tetorit. Por kreu I shtetit paralajmëroi dje PD- në nëse nuk merr pjesë në zgjedhje. "Opozita të jetë e përgjegjshme për të marrë pjesë në këto procese demokratike". Në rast se opozita nuk dëshiron të marrë pjesë në një
ZGJEDHJET
"Në Vjenë me përfaqësuesit e lartë të OSBE ndamë shqetësimin për krizën dhe qëndrimin e pandryshuar të opozitës së bashkuar: zgjedhje të lira e të ndershme me një qeveri tranzitore pa Edi Ramën, që garanton lirinë e votës dhe ndëshkimin nga drejtësia të hajdutëve të zgjedhjeve" - njoftoi Basha në ' Twitter'.
proces të ligjshëm, opozita fjala vjen Partia Demokratike, LSI- ja, disa parti të tjera, atëherë jam i sigurt që do të inkurajohen disa forca të tjera politike, të cilat të paktën të kenë kandidatë në të gjithë Shqipërinë e të regjistrohen në kohë" - theksoi z. Meta. Por opozita këmbëngul tek standardet dhe jo tek data e zgjedhjeve.