' Datë tersi për Ramën'? Meta: Jam gati ta rishikoj 13 tetorin
Presidenti: Kriza politike zgjidhet me zgjedhje gjithëpërfshirëse "Zgjedhjet e lira çojnë drejt hapjes së negociatave"
Presidenti i vendit Ilir Meta është i gatshëm të tërhiqet edhe nga 13 tetori, por me kushtin që zgjedhjet të zhvillohen përpara 17- 18 tetorit. Një ditë pas deklaratës së kryeministrit se nuk e njeh 13 tetorin, Ilir Meta shprehet se është i gatshëm ta rishikojë dekretin për mbajtjen e zgjedhjeve lokale në vjeshtë, pa tejkaluar sipas tij, një datë që është jetike për integrimin e vendit. Ai la të kuptohet se çdo përpjekje e mazhorancës për të marrë hapjen e negociatave nuk do ketë sukses pa zgjedhje të lira. Pasojë e paligjshmërisë së 30 qershorit, sipas kreut të shtetit, janë edhe vendimet kontradiktore të gjykatave për konfirmimin e mandateve të kandidatëve fitues në zgjedhjet lokale. Pjesë të problemit Meta theksoi se janë edhe ndërkombëtarët ndaj të cilëve ka qenë i ashpër edhe më herët.
DIALOGU
Zgjidhja sipas Ilir Metës duhet të vijë vetëm përmes dialogut, duke nxitur një takim Rama- Basha. "Kam përshtypjen se kryeministri e percepton ndoshta si datë tersi 13 tetorin. Por dua ta siguroj atë e të gjithë, se e vetmja datë, ndaj së cilës nuk kam asnjë mundësi që të ndikoj dhe që është shumë e rëndësishme për të gjithë qytetarët shqiptarë, është 17- 18 tetori kur udhëheqësit e BE do të vendosin për çeljen ose jo të negociatave të anëtarësimit me Shqipërinë. Natyrisht edhe me Maqedoninë e Veriut. Të gjithë ne e kemi të qartë se me mik shumë të fortë provimin e qershorit e shtymë për në tetor, për në vjeshtë. Është e domosdoshme që të jemi mjaft të përgjegjshëm e të sinqertë para shqiptarëve. Të paktën unë si President, por edhe z. Rama si kryetar i qeverisë, edhe i mazhorancës aktuale, natyrisht edhe z. Basha si kryetar i opozitës, se nëse përpara kësaj date, pra 17- 18 tetorit ne nuk do të arrijmë të organizojmë zgjedhje gjithëpërfshirëse vendore, dhe njëkohësisht të gjejmë një formulë për kapërcimin e kësaj krize, provimi i vjeshtës është i pakalueshëm. Shqiptarët më 19 tetor nuk duan të dëgjojnë justifikimet e askujt për të zhvilluar ping- pongun e radhës së fajësimit. Unë jam fleksibël për ta parë çështjen e 13 tetorit, meqenëse mund të ketë krijuar ndjenjën e tersit te dikush. Për mua nuk ka rëndësi. Për mua ka rëndësi 17- 18 tetori. Atë nuk kam fuqi as unë dhe asnjeri që ta ndryshojë, sepse atë e ka BE. E theksoj edhe njëherë: Kemi futur mik të fortë për ta shtyrë provimin nga qershori që të na japin mundësi për të kaluar në
OPOZITA
"Opozita të jetë e përgjegjshme për të marrë pjesë në këto procese demokratike. Në rast se nuk dëshiron të marrë pjesë në një proces të ligjshëm, opozita, fjala vjen Partia Demokratike, LSI- ja, disa parti të tjera, atëherë jam i sigurt që do të inkurajohen disa forca të tjera politike, të cilat të paktën të kenë kandidatë në të gjithë Shqipërinë e të regjistrohen në kohë", - tha Meta
TAKIMI
Presidenti Meta priti dje drejtorin e përgjithshëm të Ballkanit Perëndimor në Ministrinë e Punëve të Jashtme të Mbretërisë së
Bashkuar, ambasadorin Andrew Page me të cilin diskutoi edhe krizën politike. Meta theksoi domosdoshmërinë e rikthimit urgjent të vendit në shinat e demokracisë dhe shtetit ligjor, duke i shërbyer objektivit strategjik të çeljes së negociatave me BE gjatë Këshillit të tetorit.
qipëria sot?! Në rast se edhe Maqedonia e Veriut do të ecë përpara në tetor, atëherë ku janë perspektivat europiane të të rinjve e të rejave të Shqipërisë, të cilët për fat të keq po largohen sikur të ishte ende viti 1990!", theksoi z. Meta.
NDËRKOMBËTARËT
Presidenti duke ripërsëritur se në 30 qershor nuk ka pasur zgjedhje shtetërore, përcolli një mesazh edhe për ndërkombëtarët. "Duhet ta kenë të qartë të gjithë qytetarët shqiptarë se nuk ka pasur zgjedhje të qytetarëve shqiptarë, zgjedhje shtetërore, zgjedhje kushtetuese, zgjedhje ligjore më 30 qershor. Kështu që të gjitha këto manovra, këto përpjekje e manipulime, të gjithë këto qoka, përfshirë edhe qokat ndërkombëtare, shkojnë kundër standardeve ndërkombëtare, të cilat Shqipëria është e detyruar t'i plotësojë, sidomos për sa u takon zgjedhjeve të lira e të drejta dhe sundimit të ligjit, që janë një standard i panegociueshëm për të marrë provimin e vjeshtës. Nuk arrihet çelja e negociatave të anëtarësimit me qoka ndërkombëtare! Vetëm me standarde ndërkombëtare! Me standarde europiane! Ata, të cilët na e duan të mirën, na e kanë thënë hapur dhe të paktën unë, Edi Rama dhe Lulzim Basha këtë gjë e dimë shumë mirë!", - shpreh z. Meta. Tri ditë më parë z. Meta takoi për 40 minuta liderin e opozitës Basha për të folur mbi krizën politike, ndërkohë që ditën e mërkurë kërkoi që Shqipëria të mos mbetej edhe në vjeshtë me çështjen e integrimit.