Meta "rrëzon" për herë të katërt qeverinë për ligjet brenda dy javëve
"Nuk është konsultuar me ministritë e tjera dhe grupet e interesit"
Mes mazhorancës dhe Presidencës nuk ka më paqe. Pas debatit të hapur për zgjedhjet dhe reformën në drejtësi, shumica qeverisëse dhe Presidenti i Republikës duket se janë në një konflikt të hapur tashmë edhe për ligjet e ndryshme që miratohen nga Kuvend. Kështu, brenda më pak se dy javësh, kreu i shtetit e ka ushtruar plot 4 herë të drejtën e tij për refuzimin me dekret të ligjeve të propozuara nga qeveria dhe të miratuara nga Kuvend. Rasti më i fundit ishte ai i djeshmi, ku Presidenti i Republikës shpalli dekretin për kthimin për rishqyrtim në Kuvend të ligjit "Për planifikimin dhe zhvillimin e territorit". Lajmi u bë nga vetë Presidenca, e cila nëpërmjet një njoftimi për mediat bëri të ditura edhe arsyet. "Presidentit të Republikës në ushtrim të kompetencave të tij, në mbështetje të nenit 85, pika 1 dhe 93 të Kushtetutës, me Dekretin nr. 11235, datë 23.07.2019, ka vendosur: Kthimin për rishqyrtim në Kuvend të ligjit nr. 42/ 2019 ' Për disa shtesa dhe ndryshime në ligjin nr. 107/ 2014 ' Për planifikimin dhe zhvillimin e territorit', të ndryshuar', me qëllim rishikimin dhe përmirësimin e nenit 8 të këtij ligji", bëri të ditur Presidenca në njoftimin e vet. Sipas analizës dhe argumenteve që shoqërojnë këtë dekret, presidenti bën të ditur se nga shqyrtimi rezulton se ai nuk është konsultuar me ministritë e tjera, që lidhen me përmbajtjen dhe efektet e aktit, apo me grupet e interesit. Për më tepër, presidenti thekson se përveçse procesi i konsultimit publik dhe i bashkërendimit të detyrueshëm institucional nuk është kryer, Këshilli i Ministrave ka kërkuar dhe Kuvendi i Shqipërisë e ka pranuar duke realizuar shqyrtimin e projektligjit me procedurë të
përshpejtuar. "Nuk rezulton e arsyetuar se përse është shmangur procesi i konsultimit publik dhe i bashkërendimit institucional dhe cila është nevoja urgjente e shfaqur për
shqyrtimin e këtij projektligji me procedurë të përshpejtuar", - thuhet në relacionin shoqërues të këtij dekreti. Më tej, kreu i shtetit thekson se Neni 8 i ligjit ka parashikuar disa shtesa në
ARGUMENTI
"Ndryshimi i projektit gjatë zbatimit të tij sjell ndryshim të veprës që po ndërtohet. Është e nevojshme që ligjbërësi në këto ndryshime ligjore duhet të mbajë parasysh edhe rregullimin e procedurës së rishikimit të lejes së ndërtimit dhe projektit, me qëllim që ky proces të shoqërohet me pjesëmarrjen dhe shprehjen e vullnetit edhe të pronarit të pasurive pronë private, mbi të cilin ndërtohet vepra", - bën të ditur Presidenti Meta në këtë relacion.
nenin 48 të ligjit aktual, të cilat rregullojnë procesin e ndryshimit të projekteve ndërtimore gjatë fazës së zbatimit të tyre. Këto dispozita aplikohen si për investime publike shtetërore, ash
tu edhe për investime me karakter privat. Presidenti i Republikës çmon se neni 8 i ligjit është jo i plotë dhe i paqartë në formulim. "Sipas kësaj dispozite, në procesin e rishikimit të projektit nuk parashikohet dhënia e pëlqimit apo konsultimi me pronarët e trojeve mbi të cilin realizohet vepra. Për këtë shkak, zbatimi i këtij neni sipas formulimit aktual mund të sjellë aplikim të gabuar në praktikë apo keqinterpretim, me pasojë cenimin e parimit kushtetues të sigurisë juridike dhe të interesit publik", - thuhet në relacion. Gjithashtu, presidenti argumenton se aplikimi i pikës 2, të nenit 8 të ligjit nr. 42/ 2019, mund të sjellë konflikt të vazhdueshëm midis sipërmarrësve apo investitorëve me pronarët e pasurive pronë private, mbi të cilat realizo
het ndërtimi apo vepra. "Ndryshimi i projektit gjatë zbatimit të tij sjell ndryshim të veprës që po ndërtohet, është e nevojshme që ligjbërësi në këto ndryshime ligjore duhet të mbajë parasysh edhe rregullimin e procedurës së rishikimit të lejes së ndërtimit dhe projektit, me qëllim që ky proces të shoqërohet me pjesëmarrjen dhe shprehjen e vullnetit edhe të pronarit të pasurive pronë private, mbi të cilin ndërtohet vepra", - bën të ditur Presidenti Meta në këtë relacion. Ai shton se dispozitat ligjore dhe ndërhyrjet në legjislacion që kanë lidhje me të drejtën e pronësisë apo me të drejtat e tjera reale që lidhen me të, duhet të jenë të mirëmenduara, të qarta dhe të plota, me qëllim që aplikimi në praktikë të mos cenojë aspak dhe në asnjë rast këtë të drejtë.