"Për moslëshim kuponi tatimor, gjobë në masën 50 000 lekë"

50 000 ( pesëdhjetë mijë) lekë, merret masa e bllokimit të veprimtarisë në vendin ku është konstatuar shkelja për 30 ditë kalendarike. Për lëshim kuponi jotatimor ( me elementë jo të përcaktuar në ligj) aplikohet gjobë në masën 50 000 ( pesëdhjetë mijë) lekë ( neni 122, pika c). Për lëshim kuponi me vlerë të ndryshme nga çmimi deklaruar/ afishuar, gjobë në masën 50 000 ( pesëdhjetë mijë) lekë ( neni 122, pika c). Ndërkohë që për shitje pa faturë tatimore aplikohet gjobë e barabartë me 100 për qind të tatimit të padeklaruar, si rezultat i moslëshimit të faturës, përveç tatimit dhe kamatëvonesave që llogariten ( neni 124 pika 1). Nëse konstatohet një rast i përsëritur, përveç gjobës së mësipërme, gjithashtu ndërmerren masat e mëposhtme: a) Tatimpaguesi që nuk është i regjistruar për TVSH- në në momentin kur konstatohet shkelja e përsëritur, sipas këtij neni, regjistrohet për TVSH- në. b) Tatimpaguesi i regjistruar për TVSH- në dhe tatimin e thjeshtuar të fitimit, në momentin kur konstatohet shkelja e përsëritur, sipas këtij neni, regjistrohet për tatimin mbi fitimin. Për mosafishim të listës së çmimeve vendoset gjobë me 100 000 lekë për tatimpaguesit e tatimit mbi fitimin dhe 50 000 lekë për tatimpaguesit e tjerë, sipas parashikimeve të nenit 130, duke veçuar sipas rasteve, biznes i madh apo i vogël. Tatimpaguesi që nuk arrin të mbajë regjistrat dhe dokumentacionin tatimor të kërkuar sipas këtij ligji, detyrohet të paguajë një gjobë me 10 000 lekë për çdo shkelje në rastet kur është klasifikuar si biznes i vogël dhe me 50 000 lekë për çdo shkelje në rastet kur është klasifikuar si lloj tjetër biznesi. Në rast se një tatimpaguesit i është bllokuar veprimtaria nga administrata tatimore dhe ai prish shenjat dalluese të vendosura për bllokim të veprimtarisë, atij i konfiskohet e gjithë sasia e mallit.