Favorizonin biznese kundrejt ryshfetit, në pranga dy inspektorë të bashkisë
Nën hetim në gjendje të lirë, drejtori dhe pronari i hotelit në Velipojë
Dy inspektorë të zba timit në Drejtorinë e të Ardhurave në Bashkinë Shkodër kanë rënë në prangat e policisë, pasi dyshohet se kanë marrë ryshfet nga pronari i një hoteli në zonën e plazhit, në Velipojë. Ndërkohë që po hetohen në gjendje të lirë drejtori i Drejtorisë se të Ardhurave dhe pronari i një hoteli. Gjithçka është bërë kuadër të operacioni policor të koduar "Akomoduesi 2?. Sipas policisë së qytetit verior, në pranga kanë përfunduar inspektorët Idlir Dibra dhe Gegë Nika. Ata dyshohet se kanë favorizuar biznese për mospagim taksash në zonën e Velipojës. "Në zbatim të planit të masave për sezonin turistik 2019, nga Seksioni për Hetimin e Krimit Ekonomiko- Financiar, në D. V. P. Shkodër, në kuadër të operacionit policor ' Akomoduesi 2', janë ushtruar kontrolle në disa subjekte në Plazhin e Velipojës. Si rezultat i këtyre kontrolleve janë evidentuar shkelje të bëra nga ana e punonjësve të Bashkisë Shkodër dhe subjekteve në lidhje me deklarimin e të ardhurave. Për këto shkelje u bë ndalimi i shtetasve: G. N. 52 vjeç, banues në fshatin Grudë e Re Shkodër, ekonomist, inspektor; I. D. 49 vjeç, banues në Shkodër, ekonomist, inspektor, për veprat penale të ' Korrupsion pasiv i personave që ushtrojnë funksione publike', ' Shpërdorim detyre' dhe ' Falsifikim dokumentesh'", njoftoi ndër të tjera policia. Ndërsa sqarohet se u procedua në gjendje të lirë drejtori i Drejtorisë së të Ardhurave në Bashkinë Shkodër shtetasin, B. Gj. 41 vjeç, për veprën penale të "Shpërdorim detyre". Sipas bluve, këta shtetas në bashkëpunim me njeri- tjetrin, duke qenë në pozicionin e inspektorëve të zbatimit në Drejtorinë e të Ardhurave në Bashkinë Shkodër, ku me anë të falsifikimit të dokumenteve kanë shpërdoruar detyrën dhe kanë favorizuar në këmbim të marrjes së ryshfetit në një subjekt ( hotel) në plazhin e Velipojës, duke mos deklaruar numrin real të dhomave të këtij hoteli, me qëllim mospagimin e taksës reale që përfiton Bashkia Shkodër. Në vijim të veprimeve u procedua pronari i hotelit shtetasi K. L. 27 vjeç, banues në Velipojë Shkodër, për veprën penale "Fshehje e të Ardhurave". Materialet i kaluan Prokurorisë Pranë Gjykatës së Shkallës së Parë Shkodër, për veprime të mëtejshme.
ABUZIMI ME DETYRËN
Sipas bluve, këta shtetas në bashkëpunim me njëri- tjetrin, duke qenë në pozicionin e inspektorëve të zbatimit në Drejtorinë e të Ardhurave në Bashkinë Shkodër, me anë të falsifikimit të dokumenteve kanë shpërdoruar detyrën dhe kanë favorizuar në këmbim të marrjes së ryshfetit në një subjekt ( hotel) në plazhin e Velipojës, duke mos deklaruar numrin real të dhomave të këtij hoteli, me qëllim mospagimin e taksës reale që përfiton Bashkia Shkodër.