Rama: Politika shqiptare nuk bie dakord as për kohën, duhet të piqemi
"S'mund të heqim dorë nga Europa edhe pse ajo s'po shkon mirë"
Aktualiteti politik në Shqipëri, perspektiva e integrimit të vendit tonë në Bashkimin Europian, por edhe zhvillimi artit dhe kulturës ishin në fokusin e komunikimit të kryeministrit Edi Rama gjatë pjesëmarrjes në "Forumin Convoco" në Salzburg të Austrisë. I pyetur gjatë këtij Forumi mbi aktualitetin politik në Shqipëri dhe zgjedhjet e 30 qershorit, kryeministri deklaroi se në Shqipëri politika është e vështirë, pasi ka shumë kundërshti dhe se palët nuk arrijnë dot të bien dakord thuajse për asgjë. "Ne kemi një jetë shumë të vështirë politike. Besoj fort se cilësia e demokracisë, e të bashkëjetuarit nuk varet nga sa shumë biem dakord, por nga mënyra sesi nuk biem dakord. Ne nuk biem dot dakord as për kohën. Duhet të piqemi sepse demokracia nuk është e thjeshtë. Rritja, maturimi janë pjesë e këtij tranzicioni të dhimbshëm dhe Europa është shumë e rëndësishme dhe integrimi europian është unik, sepse na jep mjetet për t'u modernizuar, na jep mënyrat dhe njohuritë për të ndërtuar institucione, për të ndërtuar një sistem drejtësie të besueshëm", - tha kryeministri Edi Rama në fjalën e tij. Në lidhje me proceset integruese të Shqipërisë në BE kryeministri u shpreh për shqiptarët se Europa është shumë e rëndësishme dhe Shqipëria nuk do lodhet kurë së kërkuari të bëhet pjesë e saj. "S'mund të heqim dorë nga ajo. Megjithëse Europa nuk po shkon mirë, ne përsëri e duam. Nuk është se duam të bashkohemi me Europën e t'i shtojmë kokëçarje drejtuesve të saj që mesa duket janë lodhur me disa vende që kanë ardhur së fundmi, por duam të ndërtojmë një vend Europian dhe një rajon Europian me institucione dhe shtet të së drejtës dhe me demokraci funksionale, e ka vetëm një mënyrë për ta arritur këtë,
me Europën", - tha Rama. Në këtë bashkëbisedim, kryeministri ka rrëfyer ndër të tjera përjetimet e tij të para në politikë duke u ndalur edhe në eksperiencën e gjatë të drejtimit të Bashkisë së Tiranës. "Mund të them se ndodhi pasi ndryshimi i regjimit filloi në Akademinë e Arteve. U desh vetëm një vit, nga ' 89 në ' 90 e në atë vit, në Akademinë e Arteve, gjërat lëvizën dhe krijuan mjedisin nga ku nisi shpërthimi. Ditën kur ndodhi shpërthimi ishte
përvjetori i 10- të i vdekjes së Xhon Lenonit, që ishte arsyeja për mbrëmjen e parë muzikore, në një hapësirë publike, ku njerëzit shijonin muzikë të ndaluar së bashku. Pas kësaj, vazhdova të jetoja midis artit dhe politikës, jo si politikan, por si qytetar që donte të ngrinte zërin, në ' 98 mu dha puna e ministrit të kulturës. S'kisha menduar kurrë të bëhesha ministër dhe ministria e kulturës ishte ndërtesa e parë qeveritare ku kam hyrë, si ministër.
EUROPA
"S'mund të heqim dorë nga ajo. Megjithëse Europa nuk po shkon mirë, ne përsëri e duam. Nuk është se duam të bashkohemi me Europën e t'i shtojmë kokëçarje drejtuesve të saj që mesa duket janë lodhur me disa vende që kanë ardhur së fundmi, por duam të ndërtojmë një vend Europian dhe një rajon Europian me institucione dhe shtet të së drejtës dhe me demokraci funksionale, e ka vetëm një mënyrë për ta arritur këtë, me Europën"
S'kisha hyrë më parë në asnjë ndërtesë qeveritare", - u shpreh kryeministri Rama. Më tej ai ka treguar edhe përvojën e gjatë në krye të Bashkisë së Tiranës dhe disa nga nismat më të kontestuara, siç ishte edhe ajo e lyerjes me bojëra shumëngjyrëshe e pallateve të Tiranës. "Kur u bëra kryetar bashkie gjeta një qytet pa hapësirë publike, çdo gjë ishte e zënë. E nisëm me lyerjen e ndërtesave, filloi nga nevoja. Shpesh është përshkruar si operacion este
tik, por ishte një operacion politik me ngjyra, kishte njëkohësisht edhe një minoritet të zhurmshëm që e kundërshtonte. Mendova se po bëja gabim, se duhet të ndaloja. Bëra një anketë, që mbetet anketa ime e preferuar në 20 vjet në politikë "A
të pëlqen ajo që po ndodh në qytet me ngjyrat dhe do të doje të ndalonte apo të vazhdonte?" Ata që e pëlqenin ishin 67% dhe ata që donin të vazhdonte ishin 85%. Pra, gjysma e atyre që nuk u pëlqente, nuk donin që të ndalonte", - shtoi ai.