POLEMIKAT Shembja e Teatrit/ Soreca: Çështja e politizuar, të respektohet tenderi
Robert Budina, ambasadorit të BE: Nuk jam dakord me ju, nuk është shprehur Gjykata Kushtetuese
Ambasadori i Bash kimit Europian në vendin tonë, Luigi Soreca, komentoi dje çështjen e Teatrit Kombëtar një ditë pasi protestuesit i vizitoi ambasadorja franceze, znj. Christina Vasak. Soreca, në përgjigje të interesimit të gazetarëve tha se nuk është BE- ja, ajo që duhet të thotë nëse duhet të ketë një ndërtesë të re ose jo, pasi këtë e kanë përgjegjësi autoritetet shqiptare, por kishte vetëm një kërkesë, respektimin e standardeve europiane për tenderin dhe konkurrencën e lirë. "Dëshiroj të them se kjo është çështje shumë e rëndësishme dhe është pjesë e një debati intensiv që po bëhet në shoqërinë shqiptare, ku janë përfshirë shumë ndjesi edhe interesa. Për këtë arsye është një çështje delikate edhe e politizuar. Nuk duhet të jemi ne, ata që themi nëse duhet të ketë një ndërtesë të re ose jo, këtë e kanë përgjegjësi autoritetet shqiptare. Ashtu sikur e dini edhe, ju pozicioni ynë ka qenë i qartë që nga shtatori i vitit të shkuar. BE- ja i ka bërë thirrje qeverisë që të jenë transparente edhe pa qasje diskriminuese në treg", tha ambasadori i BEsë. Sipas tij, ky duhet të jetë parimi që duhet të udhëheqë autoritetet shqiptare, prandaj është lançuar edhe tenderi për më tej. "Mendoj se është shumë e rëndësishme që të ketë kritere të qarta edhe transparente dhe të ketë një qasje të drejtë për këtë çështje. Ajo që është e rëndësishme për ne është sundimi i ligjit, procedurat e tenderit duhet të jenë në përputhje me ato të BE- së. Me sa di, tenderi është i hapur deri në 19 shtator. E rëndësishme është edhe konkurrenca e lirë dhe e drejtë. Elementi më i rëndësishëm për ne është konkurrenca e lirë", u shpreh am
basadori.
I pyetur mbi deklaratën e sekretarit të OSBE- së, Thomas Greminger, Soreca tha: "Kjo është një çështje që vazhdon që të ketë debat të madh në Shqipëri. Për ne është e rëndësishme shteti i së drejtës. Tenderi është i hapur deri në muajin shtator. Janë institucionet shqiptare, që duhet të marrin vendimin për këtë çështje. Brenda periudhës së tenderimit të sigurohet një konkurrencë e drejtë sipas rregullave. Për ne është e rëndësishme liria e shprehjes së artistëve, që ajo të ruhet edhe këtë po bëj. Në mbështesim lirinë e shprehjes së artistëve edhe do të diskutojmë me ta në vijim".
Ndërkaq, i pranishëm në takimin ku ju bënë pyetjet nga gazetarët, ishte edhe regjisori Robert Budina, pjesë e "Aleancës për Mbrojtjen e Teatrit". Pas deklaratave të Sorecës, Budina, që më 24 korrik u përplas fizikisht me policinë, teksa mbronte teatrin, replikoi me ambasadorin. "Nuk jam dakord me ju. Qeveria para se të nisë tenderin, duhet të presë vendimin e Gjykatës Kushtetuese, se kemi gjysmën e popullit të papërfaqësuar. Vazhdoni mbështetjen për artin shqiptar, se është e vetmja mënyrë që Shqipëria të futet në BE", tha Budina. Qëndrimi i regjisorit të filmit që u shfaq në "Europa House" ditën kur ai ishte i rrethuar nga policia në teatër, ishte i qartë. "Nuk jam dakord me ju. E para, nuk është e politizuar situata. E dyta, qeveria duhet të respektojë artistët, të presë. E treta, të mos i sulmojë brenda Teatrit Kombëtar. E katërta, me ju kemi kërkuar një takim dhe duhet të takohemi, sepse situata është shumë kritike. E pesta, minimumi që mund të bëjë qeveria, përpara se të fillojë tenderin, i cili është i paligjshëm, duhet të presë vendimin e Gjykatës Kushtetuese, sepse kemi gjysmën e popullit që nuk është i përfaqësuar. E gjashta, ne kemi filluar aktivitetin në Teatrin Kombëtar, po bëjmë rikonjicionin, informacionet e qeverisë nuk janë të sakta. Teatri nuk rrezikon dhe ne kemi hapur festivalin për mbrojtjen e teatrit ku do të vijnë artistë nga e gjithë bota, përfshirë edhe z. Placido që na mbështet", theksoi Budina.
Ai shtoi se nuk donte të hapte asnjë polemikë, donte thjesht të komunikonte.
"Ne do t'i zgjidhim me maturi, ashtu si 1 vit e gjysmë ne kemi bërë vetëm protestë paqësore dhe jemi investuar tri orë në ditë për të fituar demokracinë në Shqipëri, të cilën do ta realizojmë", nënvizoi Budina. Deklaratat ambasadori i bëri gjatë aktivitetit për edicionin e tretë të "Za? Fest" në natyrën e mahnitshme të Thethit më 2, 3 dhe 4 gusht. Delegacioni i BE- së në Shqipëri shprehet krenar që do të mbështesë edhe këtë vit