Presidenti Meta paralajmëron rrezikun e një tërmeti apokaliptik
Presidenti
i Repub likës Ilir Meta beson se Shqipëria dhe gjithë rajoni i Ballkanit rrezikohet nga një veprimtari e rrezikshme sizmiologjike. Duke iu referuar informacioneve të sizmiologut grek Akis Tselentis, Meta në cilësinë edhe të Kreut të Këshillit të Sigurisë i ka shkruar një letër kryeministrit Edi Rama, zëvendës kryeministrit Erion Braçe dhe ministres së Mbrojtjes, Olta Xhaçka, ku paralajmëron se një tërmet apokaliptik do të godasë Ballkanin. "Nëpërmjet medias ndërkombëtare dhe kombëtare jam informuar mbi paralajmërimin për një tërmet apokaliptik që pritet të godasë Ballkanin. Parala- jmërimi ka ardhur nga sizmiologu i njohur, zoti Akis Tselentis, drejtor i Institutit Gjeodinamik Obsarvatori Kombëtar i Athinës. Sizmiologu Tselentis ka paralajmëruar për një tërmet apokaliptik që pritet të godasë Ballkanin, që mund të jetë 30 herë më i fuqishëm se ai që goditi para disa ditësh rajonin e Athinës. Për shkak të karakteristikave të veta sizmike vendi ynë është një nga vendet me sizmicitetin më të lartë në Europë. Prandaj Shqipëria është një vend i kërcënuar nga kjo dukuri natyrore", - shkruan Meta në këtë letër. Më tej ai kërkon informacion nga institucionet përkatëse rreth kësaj dukurie natyrore. "Për sa më sipër, kërkoj nga ana juaj të informohem mbi: institucionet përgjegjëse, a kanë kontaktuar me sizmiologun Tselentis dhe institucionet homologe të rajonit lidhur me të dhënat e tyre për paralajmërime të tilla? Cilat janë kapacitetet tona për përballimin dhe masat e marra nga ana juaj, nëse vendi ynë do të goditet nga një tërmet i përmasave të tilla. Çfarë masash janë marrë apo do të merren për të reaguar në kohë dhe për të minimizuar pasojat e mundshme në nivel qëndron dhe vendor?", - pyet Meta në letrën e vet ndërsa thekson se është i gatshëm të mbledhë Këshillin e Sigurisë Kombëtare për këtë çështje.