Kompensimi i pronarëve, ATP: Ja vendimet e formës së prerë
Agjencia e Trajtimit të Pronave publikon listën me përfituesit e pesë viteve të fundit Përfituesit janë nga viti 2014 deri në vitin 2019
ëve, por pa mundur të përfundojë procesin për 6 950 dosje. Me anë të një njoftimi, ATP u kërkon pronarëve t'i drejtohen gjykatës për të marrë vlerësimin dhe kompensimin e pronave, pasi prej ti vitesh nuk ka mundur të përfundojë shqyrtimin e tyre. ATPja kishte marrë përsipër të kryente vlerësimin për 16 462 pronave brenda tri viteve, por ky afat skadoi dje, në 23 shkurt. Pronarët që presin të marrin kompensimin për pronën kanë aplikuar që në vitin 2015, por deri tani jo vetëm që nuk kanë marrë kompensimin, por as nuk janë njohur ende me vlerësimin financiar. "Sipas përcaktimeve të nenit 15 të ligjit, afati i vlerësimit të vendimeve përfundimtare që kanë njohur të drejtën për kompensim nga ana e Agjencisë së Trajtimit të Pronave përfundon në datën 23.02.2019. Sa më sipër, Agjencia e Trajtimit të Pronave, me anë të këtij njoftimi informon subjektet e interesuara përmbylljen e procesit të vlerësimit financiar të vendimeve që kanë njohur të drejtën e kompensimit. Gjithashtu, Agjencia e Trajtimit të Pronave është e gatshme dhe për çdo informacion apo paqartësi, ju fton të paraqiteni pranë sporteleve të institucionit", - thuhet në njoftimin e botuar dje në faqen zyrtare të ATP- së. Gjithashtu, ATP bën me dije se procesi i ndarjes së Fondit të Kompensimit të Pronave vazhdon deri në kompensimin, sipas përcaktimeve të këtij ligji, të të gjitha subjekteve që disponojnë vendim përfundimtar kompensimi dhe brenda afatit të përcaktuar.
ANKIMIMI
Ligji për trajtimin e pronës në nenin 29 të tij ka parashikuar procedurën e ankimit: "Kundër vendimit të ATP- së për njohjen e së drejtës, palët e interesuara dhe Avokatura e Shtetit kanë të drejtë të bëjnë ankim brenda 30 ditëve nga data e njoftimit të këtij vendimi, pranë Gjykatës së Apelit, sipas rregullave të Kodit të Procedurës Civile të Republikës së Shqipërisë", thuhet në ligj. Ndërkohë që të gjitha vendimet përfundimtare që kanë njohur të drejtën e kompensimit dhe ato që do të merren deri në përfundim të procesit do të zbatohen sipas parashikimeve të këtij ligji. Vlerësimi financiar i vendimeve përfundimtare për kompensim do të bëhet duke vlerësuar financiarisht pronën e njohur për kompensim.