Zbardhen emrat e 1270 mësuesve që do t'i nënshtrohen provimit në gusht
QSHA: Kujdes, paraqisni dokumentacionin e plotë ditën e provimit ose nuk kualifikoheni Kush do të testohet në profilin Gjeografi, Kimi, Histori e Biologji
Para disa ditësh ka nisur testimi për mësuesit kandidatë, që dëshirojnë të fillojnë punë në një nga institucionet e arsimit parauniversitar në vend. "Gazeta Shqiptare" zbardh sot listat me emrat e 1270 mësuesve që do të kryejnë testimin e informatizuar në muajin gusht, sipas kalendarit "Mësues për Shqipërinë". Në këtë të fundit janë shpallur të gjitha datat dhe oraret e provimeve sipas profileve përkatëse, përkatësisht në Kimi, Biologji, Histori, Gjeografi dhe Art Pamor. "Në zbatim të udhëzimit të Ministrisë së Arsimit, Sportit dhe Rinisë, nr. 12, datë 27.02.2018 ' Për organizimin e testimit të informatizuar të kandidatëve për t'u punësuar në institucionet arsimore publike, të arsimit parauniversitar' i ndryshuar, ju bëjmë me dije se gjatë muajve korrikgusht 2019, pranë QSHA do të zhvillohet testimi i informatizuar për punësimin e mësuesve. Në vijim do të publiko
het kalendari me datat, oraret dhe profilet përkatëse për zhvillimin e testimit të informatizuar. Testimi i informatizuar do të zhvillohet në godinën e Qendrës së Shërbimeve Arsimore ( më poshtë QSHA) me adresë: bulevardi ' Zhan D'Ark', nr. 23, Tiranë ( ishATSH)", - bën me dije QSHA.
DOKUMENTACIONI
Qendra e Shërbimeve Arsimore shton se në ditën e testimit, kandidati duhet të jetë i pajisur me letërnjoftim ( kartë ID ose pasaportë), kopje të kartës ID ose pasaportës si dhe duhet të ketë formularin e pranimit nga ana e DAR/ ZA për fazën e dytë të konkurrimit. Të gjithë ata kandidatë, të cilëve u mungojnë këto dokumente nuk mund të marrin pjesë në testimin e informatizuar. "Për paraqitjen në qendrat e testimit, aplikanti duhet të ketë parasysh rregullat e mëposhtme: 1. Ndalohet marrja me vete dhe përdorimi i celularëve dhe mjeteve të tjera të komunikimit gjatë zhvillimit të testimit, pasi kjo vlerësohet si kriter përjashtimi. 2. Ndalohet duhani dhe konsumimi i ushqimit në mjediset e testimit. 3. Ndalohet komunikimi gjatë zhvillimit të testimit", - nënvizohet në njoftim. Ministria e Arsimit u bën thirrje të gjithë kandidatëve që të bëjnë verifikimin e emrit, mbiemrit, profilit si dhe datën e orën e testimit në faqen zyrtare të QSHA në adresën www. akp. gov. al.