Betohet Erion Veliaj, ndryshime në drejtimin e bashkisë
Erion
Veliaj është bet uar për një mandat të dytë si kryetar i Bashkisë së Tiranës për të vijuar punën për transformimin e Tiranës në qytet modern europian dhe bashkëkohor. Në prani të kryeministrit Edi Rama, deputetëve dhe këshilltarëve bashkiakë të Tiranës, Veliaj ka marrë zyrtarisht detyrën, ndërsa u zotua se në këtë 4- vjeçar që starton sot do të bëjë më shumë punë të mira për Tiranën dhe do të angazhohet çdo ditë për t'i shërbyer dhe rritur mirëqenien e qytetarëve të saj. Në fjalën e tij të parë si kryebashkiak i ri i Tiranës, Veliaj falënderoi Partinë Socialiste, kryeministrin Edi Rama dhe qytetarët e Tiranës që i besuan atij drejtimin e bashkisë dhe punëve në kryeqytet për një mandat të dytë. "I kam qenë gjithmonë shumë mirënjohës Edi Ramës dhe PS që më dha besimin të drejtoj kryeqytetin në këto vite, por në fakt këtë mirënjohje në këtë mandat e kam dy herë më të madhe, se tani kam rënë në dashuri me bashkinë dhe tani e kuptoj se ç'mendim ose ç'vështirësi për vendimmarrje mund të ketë pasur Edi Rama, PS, ata që më dhanë këtë mbështetje, pasi kanë qenë këtu dhe nostalgjia e të pasurit të një vendi ku ke rënë në dashuri, ke shërbyer me dashuri, ke kaluar me përkushtim ditë të tëra, për t' ia transferuar dikujt të ri, besoj që ka qenë jashtëzakonisht e vështirë dhe sot jam dyfish i nderuar për besimin që mu dha nga PS dhe për besimin që mu dha nga qytetarët e Tiranës, ndoshta në zgjedhjet më të pazakonta në historinë e qytetit tonë dhe vendit tonë", - tha Veliaj. Gjatë mbledhjes së djeshme, Toni Gogu u zgjodh kryetar i këshillit bashkiak, Vjollca Braho dhe Luan Bregazi, nënkryetarë të tij. Ndërkohë që në pozicionet e nënkryetarëve u zgjodhën Aniza Ruseti dhe Anuela Ristani.