Meta: Nuk ka integrim me lobingje dhe qoka, 18 tetori do të jetë vonë
"Po të kem problem shkoj te doktori, nevojë për piktura s'kam"
Presidenti i Republikës, Ilir Meta, i ka bërë edhe një herë apel politikës shqiptare që të heqë dorë nga konfliktualiteti dhe të angazhohet në dialog për të gjetur një zgjidhje për krizën politike para se ajo të dëmtojë procesin e integrimit. Në një dalje për mediat ku prezantoi ngritjen e forumit "Unë jam arbëresh", kreu i shtetit nuk iu shmang as komenteve lidhur me situatën politike në vend, duke i kërkuar qeverisë dhe opozitës që të lënë pushimet e gushtit, dhe të dialogojnë për të gjetur zgjidhjen e krizës. "Kam ndërmarrë iniciativat e mia si president, jo vetëm informale, por edhe publike, në mënyrë të hapur dhe të sinqertë, i kam kërkuar edhe OSBE- së. Unë nuk përkrah politikën e kapjes së institucioneve të Ramës apo axhendën e Bashës apo zonjës Kryemadhi. Vlerësoj qëndrimet realiste, si partitë opozitare nga Mediu, apo Shehu, apo qëndrimet e zotit Milo nga koalicioni i majtë, që kuptojnë që ky proces është i minuar dhe që kërkojnë të hapin kontributin e tyre për ta shpëtuar. Shpresoj që të ketë kontribute të tjera dhe jo pushime të rehatshme për të rifilluar në shtator me alibitë", - tha ai. Nga ana tjetër, ai theksoi se mbetet shumë e rëndësishme, aq më shumë kur koha po kalon që institucionet shtetërore të marrin masat për zhvillimin e zgjedhjeve vendore të 13 tetorit. "Ndryshe - tha Meta - përgjigja që mund të vijë nga BE- ja më 18 tetor do jetë jopozitive për Shqipërinë dhe shqiptarët". "Me këtë situatë krize të thellë që ka vendi dhe aq më tepër me prapësinë dhe mungesën e vullnetit për zgjedhje vendore gjithëpërfshirëse, kam thënë që nuk ka çelje të negociatave të Shqipërisë me BE. Nuk jam këtu t'i bëj qokë askujt, as qeverisë e as opozitës, jam këtu për interesin kombëtar. Pa zgjedhje vendore, gjithëpërfshirëse, në 13 tetor, mos prisni asnjë mrekulli më 18 tetor dhe të gdhiheni me çelje negociatash. Ndaj kam apeluar për
BECHETI
"Nuk kam hallin e ' Venecias', por që të dalë mbi ujë gjyqi i Bechetit dhe që qeveria ta fitojë, se është faturë e madhe për shqiptarët, nëse ka dështim dhe të shikojë të hapë sytë për gjithë proceset e tjera që janë në gjykatat evropiane, sepse janë kosto të mëdha për të gjithë shqiptarët", - deklaroi Meta.