Hahn: Reforma në drejtësi e suksesshme, negociatat peng e situatës politike
Komisioneri në ikje i BE- së vuri theksin te nevoja për dialog mes aktorëve kryesorë Vasili: Hahn lan duart si Ponc Pilati, merakosej për kërpudhën
Ndryshe nga sa men don Presidenti i Re publikës dhe opozita, Komisioneri për Zgjerimin në Bashkimin Europian, Johannes Hahn ka një vlerësim krejt tjetër sa i përket reformës në drejtësi. Duke folur në një intervistë për mediet austriake, Hahn tha se është e padrejtë që të hedhësh akuza ndaj reformës në drejtësi vetëm sepse Gjykata Kushtetuese është jashtë funksionit. Ai theksoi se fakti që shumica e gjyqtarëve të kësaj gjykate janë shkarkuar nga vetingu, tregon se drejtësia e re ka dhënë rezultate. "Shqipëria ka bërë përparim të mirë këtu. Të akuzosh për shembull se nuk po punon Gjykata Kushtetuese është e padrejtë, sepse kjo tregon vetëm sesa e suksesshme ka qenë puna e komisionit të ngritur për të larguar prokurorët dhe gjykatësit e korruptuar nga sistemi", - tha ai.
NEGOCIATAT
Por sipas tij, rezultatet e kësaj reforme duket se nuk do ta ndihmojnë dot Shqipërinë që të kalojë testin e çeljes së negociatave në këtë vjeshtë. Sipas tij, Shqipëria ka disa probleme që janë shfaqur në plan të parë, duke renditur bojkotin e opozitës, pamundësinë e qeverisë për të vendosur dialog dhe konflikti i hapur mes qeverisë dhe Presidentit të Republikës. "Për Shqipërinë për fat të keq, problemet janë tani në plan të parë, të tilla si bojkoti i opozitës, qeveria ka vështirësi në mbajtjen e një dialogu, por edhe debati me Presidentin. Ne kemi bërë një rekomandim, por vendet anëtare të BE- së vlerësojnë gjithashtu situatën e përgjithshme politike", - tha Komisioneri për Zgjerimin në Bashkimin Europian, Johannes Hahn.
VASILI
Menjëherë pas bërjes publike të deklaratave të zyrtarit të BE- së ka reaguar numri dy i Lëvizjes Socialiste për Integrim, Petrit Vasili, i cili i kujton atij se është kujtuar vonë në lidhje me nevojën e dialogut. "Hanh lan duart si Ponc Pilati dhe kujtohet për dialogun politik!? Askush në Europë, por edhe në Shqipëri nuk kishte asnjë dilemë që pa një dialog politik të qëndrueshëm, të sinqertë dhe vizionar në Shqipëri nuk do të kishte për