Meta: Dorëhiqem nëse e kërkon Rama, por Rexhep Meidani president
Presidenti ka ofruar postin e tij, nëse Rama pranon të shkojë në zgjedhje në 13 tetor "Përndryshe kemi 0 % mundësi për të çelur negociatat në tetor"
Presidenti i Republikës Ilir Meta ka këmbën gulur dje për gjetjen sa më parë të një zgjidhje në mënyrë që kriza politike të mos dëmtojë përfundimisht procesin e integrimit të vendit. Në një dalje tjetër të posaçme në Presidencë, kreu i shtetit ka kërkuar që palët të lënë pas retorikën e ashpër dhe të gjejnë gjuhën e përbashkët para se vendet europiane të vendosin për fatin e hapjes së negociatave në muajin tetor. "Nuk besoj në zgjidhje të shpejta dhe ëndërrimtare por hap pas hapi mund të zgjidhet dhe hapi i parë është zbatimi i dekretit të presidentit për 13 tetorin, hapi i dytë të votohet për presidentin dhe ai më 13 tetor. I ftoj të gjithë të reflektojnë", - u shpreh Presidenti i Republikës. Madje për t'i dhënë zgjidhje situatës ai ka ofruar edhe një zgjidhje tjetër, ku sërish ka vënë në dispozicion postin e tij të Presidentit. Meta tha se ishte i gatshëm të dorëzonte mandatin e presidentit dhe të futej në zgjedhje nëse Rama do t'ia kërkonte. Por në këtë rast Meta vuri një kusht. "Presidenti është edhe më i hapur pasi nuk ka frikë nga vota e qytetarëve shqiptarë që në rast se kërkon kryeministri të lërë edhe detyrën e Presidentit gjithmonë duke konkurruar në 13 tetor, përpara qytetarëve shqiptarë, por vetëm me një kusht që në këtë zyrë të vijë një njeri me shumë integritet, i cili ka qenë në këtë zyrë dhe ka provuar se mbrojtja e interesit kombëtar e publik është mbi çdo gjë tjetër dhe që nuk e ha shantazhin e presionin, siç është profesor Rexhep Mejdani. Kjo është krejtësisht e zgjidhshme", - propozoi Meta gjatë konferencës me mediat. Ai sqaroi se ky ishte një propozim i tij dhe se nuk ishte konsultuar më parë me njeri për këtë gjë, duke lënë të kuptohet se për këtë nuk ka fol as me ishpresidentin Mejdani. "Unë nuk e kam biseduar këtë çështje me njeri, është një njeri që jam i sigurt ato 2- 3 çështje të rëndësisë kombëtare që trajtohen nga kjo zyrë do t'i mbronte ndoshta dhe më mirë se unë", - shtoi Meta. Për të mundësuar daljen nga kriza, ai theksoi se do ishte papërgjegjshmëri nga ana e politike që në një situatë të
RAMIZ ALIA
"Do më detyrojnë të ftoj mediat botërore dhe të vë një tufë me lule tek varri ish- presidentit Ramiz Alia. Alia pavarësisht rrethanave, tregoi përgjegjshmëri shumë më tepër se sot për të shtensionuar situatën, për t'i dhënë mundësi opozitës së asaj kohe të merrte pjesë në zgjedhje. Mendoj tani ne nuk duhet të vonohemi më tej. Natyrisht është 1 gushti dhe gjithsecili mund të pushojë dhe reflektojë pak. 1 shtatori është shumë vonë. Pas 1 shtatorit çfarë na duhet një marrëveshje", - deklaroi Presidenti Meta.