Presidenti: Marrja e bashkive e paligjshme, s'mund të marrë Shkodrën me 6 %
Kreu
i shtetit ashtu si edhe opozita nuk i njeh institu cionet e reja drejtuese të pushtetit vendor të dala nga zgjedhjet e 30 qershorit. Gjatë konferencës së djeshme Meta tha se marrja e këtyre bashkive nga mazhoranca është e paligjshme. Ai theksoi se kryetarët e rinj përfaqësojnë vetëm një numër të vogël banorësh. "Marrja e këtyre bashkive në këtë mënyrë nuk është e ligjshme. Nuk ka pasur zgjedhje të ligjshme, kushtetuese, shtetërore më 30 qershor dhe nuk është as e ligjshme të marrësh bashkinë e Kavajës, Kamzës, Shkodrës me 6- 7% dhe të kesh kontrollin e gjithë administratës së bashkisë, gjithë shërbimeve të bashkisë, të kesh dhe gjithë këshillin, kjo është skandaloze. Sepse këtu bie totalisht sistemi i llogaridhënies dhe kjo nuk dëmton vetëm qytetarët shqiptarë që përkrahin opozitën dhe padyshim që për këtë situatë opozita ka një përgjegjësi historike por penalizon edhe ata qytetarë që kanë votuar PS- në sepse kush do i mbrojë interesat e tyre nga abuzivizmi i kryetarëve që i përkasin vetëm një force politike dhe mund të bëjnë çdo gjë në kushtet e mungesës së një opozite", - deklaroi Meta.
tillë krize politike dhe institucionale të shkonte me pushime. "Nëse drejtuesit janë kaq të papërgjegjshëm sa gjithë gushtin të ikin me pushime e në shtator të mendojnë për krizë, do ishte kulmi i papërgjegjshmërisë për të gjithë atë që kanë gatuar vetë me duart e tyre. Kjo do të ishte e papranueshme e pamoralshme", - shtoi pres
identi. Në mënyrë të veçantë ai ka kërkuar edhe një herë reflektimin e kryeministrit Edi Rama që t'i hapë rrugë zgjedhjes së krizës nëpërmjet dialogut, ndërsa u shpreh sërisht i gatshëm ta presë atë në takim. "Shpresoj shumë edhe në reflektimin e kryeministrit dhe në çdo moment që është i gatshëm jam gati ta pres kudo që ai mendon
por në mënyrë publike e transparence, sepse po i afrohemi kundërkohës. Shpresoj në reflektimin e tij", - deklaroi ai. Gjithashtu, ai e ftoi kryeministrin që ti hap rrugë mbajtjes së zgjedhjeve vendore dhe të lërë KQZ- në dhe institucionet e tjera që të nisin procedurat e organizimit të tyre. "KQZ prej kohësh duhet të niste zbatimin e dekretit, dhe të ftonte forcat politike që kanë dëshirë të marrin pjesë, askush si pengon partitë të shndërrohen në OJQ", - shtoi Meta. Duke këmbëngulur se zgjedhjet e 30 qershorit ishin të paligjshme, Meta deklaroi se as vendimi i Gjykatës Kushtetuese nuk mund t'i legjitimojë ato si vlefshme. "Askush mos ketë iluzione se çdo vendim i Gjykatës Kushtetuese, mund t'i japë legjitimitet 30 qershorit, pasi dekretet e presidentit janë në fuqi. Çdo vendim i saj do të ketë efekt për të ardhmen nuk ka efekt për të shkuarën", - deklaroi ai. Më tej Kreu i Shtetit theksoi se nëse nuk i jepet zgjidhje krizës politike dhe vendi nuk shkon në zgjedhje në 13 tetor, atëherë Shqipëria nuk do të ketë asnjë shans që të marrë një përgjigje pozitive për hapjen e negociatave. "Zgjedhje të standardeve që kemi pasur dhe më të mira e kemi detyrim, përndryshe kemi 0 pikë 0 % mundësi për të çelur negociatat në tetor me BE, mendoj se këtë e dinë mirë të gjithë. Kjo do të jetë kosto serioze për vendin, një penalizim i sigurtë 101 % për çeljen e negociatave në tetor", - tha Meta.