Atentat në Durrës, ekzekutohet në derë të shtëpisë 40- vjeçari Feriz Bardhi
Ngjarja dyshohet për larje hesapesh, në vitin 2012 viktima u kap me kokainë në Itali Babai i dy fëmijëve u qëllua për vdekje me kallash nga disa persona, të cilët i kishin zënë pritë
Tronditet Durrësi. Një 40- vjeçar është ekzekutuar më breshëri kallashnikovi afër derës së shtëpisë së tij. Ngjarja e rëndë ka ndodhur pasditen e djeshme në lagjen nr. 18, pranë Kryqit të Kuq në Durrës. Viktima është Feriz Bardhi nga fshati Shën Vlash, por banues në qytetin bregdetar. Mësohet se Bardhi, baba i dy fëmijëve u qëllua për vdekje sa doli nga banesa e tij nga persona ende të paidentifikuar. Edhe pse u dërgua me urgjencë në spital, ai humbi jetën për shkak të plagëve të marra. Menjëherë në vendngjarje ka shkuar policia, e cila ka nisur hetimet për zbardhjen e plotë të kësaj ngjarjeje. Pas kryerjes së veprimeve hetimore paraprake, hetuesit e çështjes dyshojnë se ngjarja mund të ketë marrë shkas nga e kaluara e errët e viktimës në Itali. "Më datë 01.08.2019, në lagjen Nr. 18, Durrës, persona të paidentifikuar kanë plagosur me armë zjarri shtetasin F. B., 40 vjeç, banues në Shën Vlash, Durrës, i cili u transportua në spital ku dhe ka ndërruar jetë. Në vendngjarje ka shkuar grupi hetimor ku vijon punën për zbardhjen e rrethanave të ngjarjes. Policia ka ngritur pika kontrolli dhe po punon intensivisht për identifikimin dhe kapjen e autorëve të kësaj ngjarje", thuhet në njoftimin zyrtar të policisë së Durrësit.
VRASJA
Rreth orës 12: 55, Feriz Bardhi ka dalë nga banesa për punët e tij, për të mos u kthyer më i gjallë. 40- vjeçari ka rënë në pritën e disa personave, të cilët e kanë qëlluar me breshëri plumbash. Më pas autorët janë larguar me shpejtësi nga vendi i ngjarjes ndërsa dëshmitarë e qytetarë që ndodheshin rastësisht aty e kanë çuar në spital në gjendje të rëndë ku ka ndërruar jetë pak minuta më vonë.
Dyshim mbetet një e kaluar e errët të viktimës, që me sa duket është edhe pista kryesore ku po heton policia. Grupi hetimor ka marr në pyetje familjarë të 40vjeçarit për të zbuluar ndonjë konflikt të mundshëm të
mëparshëm të viktimës, i cili në pjesën më të madhe të kohës qëndronte jashtë shtetit. Feriz Bardhi, nuk është një emër i panjohur për policinë. Ai rezulton që në vitin 2012 të jetë arrestuar
nga policia italiane në Ascoli pasi së bashku me një person tjetër të quajtur Arif Qelia është kapur me një sasi prej 700 gr kokainë të pastër teksa lëviznin me një BMW X6. Ata u akuzuan në
E SHKUARA KRIMINALE
Feriz Bardhi nuk është një emër i panjohur për policinë. Ai rezulton që në vitin 2012 të jetë arrestuar nga policia italiane në Ascoli pasi së bashku me një person tjetër të quajtur Arif Qelia është kapur me një sasi prej 700 gr kokainë të pastër teksa lëviznin me një “BMW X6”. Ata u akuzuan në atë kohë për trafik ndërkombëtar të kokainës dhe cilësoheshin nga policia italiane si korrierë të drogës.
atë kohë për trafik ndërkombëtar të kokainës, dhe cilësoheshin nga policia italiane si korrierë të drogës. Sipas policisë autorët e kanë ruajtur dhe kanë kontrolluar lëvizjet e tij duke e ditur
itinerarin dhe pritur çastin e volitshëm. Policia ka sekuestruar edhe pamjet e kamerave të sigurisë në subjektet pranë vendit të ngjarjes për të zbardhur krimin e rëndë. Ndërsa, janë ngritur disa postblloqe në qytetin bregdetar dhe po punohet intensivisht për identifikimin dhe kapjen e autorëve të kësaj ngjarje. Sakaq, një mjet raportohet se është gjetur para pak i djegur në Porto Romano. Paraprakisht dyshohet nga policia se ai mjet i përket autorëve të vrasjes së 40vjeçarit.