Basha: Plani i Edi Ramës është grabitja, ka vrarë shpresat e shqiptarëve
"Shqiptarët po varfërohen, sepse po grabiten"
Nga Peqini ku vijoi turin e tij të taki meve me strukturat partiake dhe demokratët e thjeshtë, kreu Partisë Demokratike, Lulzim Basha, u shpreh i bindur se ndryshimi dhe rotacioni politik do të vijë vetëm nëpërmjet votës së shqiptarëve. Duke përjashtuar mundësinë e çdo pazari me kryeministrin Edi Rama, kryedemokrati theksoi se 30 qershori ishte një referendum popullor për ndryshim, ku 85 për qind e shqiptarëve refuzuan qeverisjen e majtë. Por ai theksoi se ky ndryshim do të vijë vetëm përmes largimit të Edi Ramës, duke i dhënë fund bashkë me të edhe bandës së oligarkëve dhe hajdutëve. Kreu i opozitës, Lulzim Basha, bëri përgjegjës Edi Ramën për krizën e thellë ekonomike të vendit, ndërsa theksoi se grabitja është kthyer prej tij në filozofi qeverisjeje. "Nga mëngjesi deri në darkë plani i Edi Ramës është grabitja, vjedhja. Kjo është arsyeja pse Shqipëria është e papunë. Kjo është arsyeja se pse Shqipëria lëngon në krizën më të thellë ekonomike. Kjo është arsyeja pse shëndetësia, arsimi dhe gjithçka tjetër janë në kolaps. Kjo është arsyeja pse po përjetojmë emigracionin më gërryes dhe më të rrezikshëm se ai i fillim viteve ' 90", - theksoi kryetari Basha. Lideri i opozitës vuri në dukje se përqendrimi i ekonomisë dhe pasurive të vendit në duart e pak njerëzve përreth Edi Ramës ka thelluar varfërinë në vend. "Shqiptarët po varfërohen, sepse po grabiten. Shqipëria po plaçkitet dhe po shkatërrohet nga Edi Rama me një grusht biznesmenësh grabitqarë, që ndajnë paratë dhe pasuritë me njëritjetrin. Këta janë një grusht njerëzish të pamëshirshëm, biznesmenë parazitarë dhe grabitqarë, që nuk prodhojnë, nuk krijojnë, por vetëm vjedhin dhe grabisin djersën, pronat e shqiptarëve në bashkëpunim me Edi Ramën", - u shpreh Basha. Kreu i demokratëve përmendi koncesionet, PPP- të, tenderat, lejet e ndërtimit, ligjet speciale si mënyrat më të
OLIGARKËT
"Shqiptarët janë pa punë, sepse ekonominë dhe mundësitë ekonomike i kanë marrë oligarkët dhe klientët e Edi Ramës, shpresat e tyre i ka vrarë Edi Rama me oligarkët grabitqarë. Ata nuk lejojnë asnjeri tjetër të krijojë, të konkurrojë, të ndërtojë, të provojë".