Meta - Ruçit: Ndihmoje Ramën të mos krijojë precedentin më absurd
Presidenti i kërkon kryeparlamentarit të kontribuojë në rivendosjen e dialogut "I gjithë ky proces i nisur nga Kuvendi është fiktiv"
Presidenti i Republikës, Ilir Meta kërkon kon tributin dhe angazhimin e kryetarit të Kuvendit Gramoz Ruçi në zgjidhje e krizës politike në vend dhe kthimin e legjitimitetit të institucioneve. Ftesa për kontributin e Ruçit është bërë nëpërmjet një shkrese zyrtare që kreu i shtetit i ka dërguar atij në përgjigje të një letre të mëparshme që Kuvendi i dërgoi presidentit në 19 korrik, ku kërkonte informacion mbi dekretet e nxjerra për zgjedhjet vendore. "Një veprim i pajustifikueshëm i opozitës, i cili ka sjellë vërtet një precedent mjaft negativ. Nuk hezitoj t'ju kërkoj që të ndihmoni Kryeministrin dhe Kryetarin e Partisë Socialiste të mos krijojë precedentin më absurd në historinë e vendeve ish- komuniste atë të asgjësimit të Partisë Demokratike, jo vetëm si forca kryesore opozitare sot, por edhe si forca e parë opozitare pro atlantike dhe pro europiane e vendit tonë", - shkruan Meta në letrën e vet drejtuar Ruçit. Më tej ai thekson se me përvojën e tij duhet të kontribuojë në vendosjen e dialogut politikë dhe zgjedhjen e krizës që ka përfshirë vendin. "Vazhdoj të shpresoj se me përvojën Tuaj të veçantë në jetën parlamentare, do të bëni përpjekjet më të mira për rivendosjen e dialogut politik dhe rikthimin në normalitet të të gjitha institucioneve demokratike", - shprehet Meta. Më tej ai bën të ditur se i qëndron bindjes se e vetmja rrugë për zgjidhjen e krizës së thellë në të cilën ndodhet vendi, rikthimit të funksionimit të shtetit të së drejtës dhe rivendosjen e tij në shinat kushtetuese mbetet vetëm dialogu i sinqertë politik, respektimi i ligjit nga të gjithë, duke organizuar zgjedhje të lira, të ndershme dhe demokratike në datën 13 tetor 2019. Gjithashtu, në letrën e tij Meta sqaron se anulimi i datës 30 qershor 2019, si ditë e zhvillimit të zgjedhjeve për organet e qeverisjes vendore dhe shtyrja e tyre për t'u zhvilluar ditë të diel në datë 13 tetor 2019 është realizuar në kushtet e një krize të rëndë politike, kushtetuese, institucionale dhe të përfaqësimit. "Presidenti vlerësoi dhe vendosi se ishte e domosdoshme ndërhyrja e kreut të shtetit për shtyrjen e datës së zgjedhjeve", - shprehet Meta, ndërsa bën të ditur se procesi i 30 qershorit është nul dhe