Droga, Rama ' sulmon' RAI 3: Humbje kohe, më të rëndësishme reformat
Lleshaj: Kanabisi histori e së shkuarës
Repotazhi i RAI 3 për kanabizimin e terri torit të Shqipërisë përplasi sërish në akuza e kundërakuza qeverinë dhe opozitën. Grupet kriminale shqiptare, sipas dokumentarit të televizionit italian janë fuqizuar ndjeshëm në trafikun e lëndëve narkotike, aq sa po kërkonin të blinin një nëndetëse për të trafikuar kokainën e ardhur prej Amerikës së Jugut përmes Mesdheut. Në dokumentarin e medieve italiane me titull "Narcotica" tregohet trafiku i drogës në trekëndëshin Meksikë- Kolumbi - Shqipëri me destinacion Italinë dhe Europën. Kryeministri Edi Rama reagoi dje në lidhje me dokumentarin e transmetuar në "Rai 3" për fuqizimin e grupeve shqiptare në trafikun e drogës dhe kanabizimin e 1/ 3 së territorit. Teksa shpërndau në Twitter postimin e ministrit të Brendshëm Sandër Lleshaj në ' Facebook', kreu i qeverisë shprehet se ato që vlejnë më shumë janë reformat, punët dhe veprat. Ndaj Kryeministri Edi Rama e cilësoi humbje kohe dhe gazetari pa lidhje dokumentarin e transmetuar në "Rai 3" për fuqizimin e grupeve shqiptare në trafikun e drogës dhe kanabizimin e 1/ 3 së territorit. Sipas tij, ato do të flasin llafet t'i ketë marrë era dhe baltën ta ketë fshirë uji i kohës. "S'kemi ç'bëjmë! E kotë të harxhosh kohë me shumëçka sot serviret ende si gazetari, po me gazetarinë s'ka pikë lidhje. Çka vërtetë vlen çdo minutë janë reformat, punët, veprat. Ato do të flasin, kur llafet t'i ketë marrë era dhe baltën ta ketë fshirë uji i kohës",- shkruan Rama.
MINISTRI
Më herët edhe ministri i Brendshëm Sandër Lleshaj i konsideroi absurde akuzat nga opozita në drejtim të Policisë së Shtetit, ndërsa theksoi se kanabisi është një ka
pitull i mbyllur për Shqipërinë. Përmes faqes së tij në Facebook, Lleshaj shkruan se disa histori nga e shkuara si Lazarati, kjo "markë" autentike e PD, apo edhe episode të tjera të shkuara ( përzier në një sallatë televizive sensacionale, pa asnjë vlerë dokumentare, po me synimin e vetëm audiencën e interesuar për show) kanë frymëzuar opozitën e plandosur jas
htë- parlamentare. Lleshaj shprehet se opozita ka rimarrë vrullin e një shiu vere, për të akuzuar Policinë e Shtetit dhe qeverinë për njollat që ata vetë i kanë vënë vendit kur ishin ne pushtet. Por e vërteta sipas tij është krejt ndryshe nga çka paraqet mishmashi televiziv i përgatitur nga njerëz që janë larg së qeni në nivelin e respektit tonë për kanalin publik ital
REAGIMI
"S'kemi ç'bëjmë! E kotë të harxhosh kohë me shumëçka sot serviret ende si gazetari, po me gazetarinë s'ka pikë lidhje. Çka vërtetë vlen çdo minutë janë reformat, punët, veprat. Ato do të flasin, kur llafet t'i ketë marrë era dhe baltën ta ketë fshirë uji i kohës",- shprehet Kryeministri Rama.
ian. "Ato kanë folur në të gjitha nivelet për këtë dhe unë besoj se do te shprehen edhe pas këtij reportazhi të Rai 3 - një mishmash i denjë për të ilustruar epideminë e ' fake news'" - tha z. Lleshaj.
OPOZITA
PD reagoi për deklaratat e ministrit të Brendshëm Sandër Lleshaj dhe kreut të qeverisë Edi Rama, për re
portazhin e medias italiane "Rai3", për drogën në Shqipëri, duke e kthyer vëmendjen edhe një herë tek Lazarati. Sipas sekretarit të përgjithshëm të PD- së, Gazment Bardhi në listën e armiqve të jashtëm të kryeministrit Rama dhe ministrit të Brendshëm, Sandër Lleshaj është shtuar edhe ' Rai 3'. "? Rai 3 në listën e armiqve të jashtëm të Edi Ramës dhe Sandër Lleshajt, bashkë me Zërin e Amerikës dhe Bild- in.
Prokurori i Antimafias Italiane nuk është "llafe në erë". Karabinieria italiane nuk është "llafe në erë". Faktet e partnereve janë të pakundërshtueshme! ? Në Shqipëri është mbjellë 5 herë më shumë kanabis se vjet. Shqipëria bazë për kokainën kolumbiane dhe heroinën afgane. Krimi i organizuar ka mbështetje në të gjitha nivelet e qeverisë. ? Shqipëria nën drejtimin e Edi Ramës është kthyer në parajsën e krimit të organizuar", shprehet z. Bardhi.