Kontrolli i karburanteve, Braçe: Paligjshmëri në kufijtë e krimit
Ndjekje penale për evazion, abuzime edhe nga kompanitë e mëdha
Në sektorin e kar buranteve, paligjsh mëria ka kapur kufijtë e krimit penal. Denoncimi u bë dje nga zëvendëskryeministri Erjon Braçe, i cili paralajmëroi ndëshkime ligjore për administratorët e karburanteve dhe kasave fiskale. “Diferenca në litra në çdo pompë do t’i nënshtrohet detyrimeve fiskale litër për litër deri në qindarkën e fundit. 2 persona kanë rënë në pranga.” deklaron Braçe. Llogaritë e 22 kompanive të mëdha, të cilat kanë akumuluar borxhe ndaj detyrimeve fiskale janë bllokuar. Disa kanë reflektuar shpejt dhe kanë shlyer detyrimet, ndërsa pjesa më e madhe pret shpëtimin nga miqtë dhe shokët me pushtet, për të cilët zv. kryeministri ka një mesazh- “Harxhoni kohë kot s’do ju ndihmojë askush.”
DENONCIMI
Në një dalje për mediat, zëvendëskryeministri, Erjon Braçe, deklaroi se në tregun e karburanteve vazhdon të gëlojë paligjshmëria në aspektin fiskal. Kjo paligjshmëri, tha Braçe, është bërë aq e gjerë deri në kufijtë e krimit. “Administrata tatimore ka zbuluar shkelje të rënda të ligjit në kufijtë e krimit, veçanërisht në skemën kriminale dhe të qëndrueshme të kalimit dhe operimit me kasat në regjimin manual të ndaluar rreptësishtë nga ligji. Janë zbuluar diferenca të thella të pamenduara të litrave të regjistruara në pompa të shituara prej tyre me litrat e regjistruara në kasat fiskale që dëshmojnë për evazion fiskal të fuqishëm”tha Braçe. Diferencat arrijnë në mijëra tonë në harkun kohor nga vjeshta e 2017 deri më sot. Diferenca në litra për çdo pompë do t’i nënshtrohet detyrimeve fiskale litër për litër deri në qindarkën e fundit ndërkohë të gjithë të përfshirë në këtë veprimtari kriminale duke nisur nga dy të parët që janë vënë në pranga shtuar me administratorë kompanish, administratorë të pikave të karburanteve dhe administratorë dhe përgjegjës të kompanive të kasave fiskale duhet t’i jepen drejtësisë pavarësisht emrit, madhësisë së kompanisë, parave që kanë akumuluar, miqve dhe shokëve në politikë, drejtësi dhe jo vetëm. Braçe shprehu mbështetjen për hetimet e prokurorëve në Elbasan dhe Tiranë. “Kërkoj prej tyre të thellojnë hetimet deri te përgjegjësi më i fundit. Hetimet e tyre janë jetike për t’i dhënë fund këtij krimi të rëndësishëm për buxhetin e shtetit”,- tha zëvendëskryeministri. Ndërkohë administrata doganore ka shtrirë kontrollet në magazinat e lira të kompanive të mëdha të karburanteve. “Në 48 orët e fundit janë zbuluar diferenca të rëndësishme në inventaret e këtyre magazinave, kryesisht në produktin benzinë që arrin në dhjetëra tonë. Administrata doganore po llogarit detyrimet fiskale të munguara dhe penalitetet në të njëjtën vlerë për secilën pa këto kompani. Dy administratat janë udhëzuar të bëjnë bilancin e naftës së importuar, naftës së prodhuar këtu dhe hedhur në tregun e brendshëm, shitjeve të deklaruara për t’i dhënë fund evazionit, por mbi të gjitha edhe mishelimit që cenon rëndë cilësinë e karburantit, një tjetër formë e qartë e grabitjes së qytetarëve thuajse në çdo pikë apo stacion ku shitet apo tregtohet ky produkt”- deklaroi Braçe. Numri dy i qeverisë tha se gjatë këtyre 10 ditëve drejtoria e tatim- paguesve të mëdhenj ka bllokuar llogaritë e 22 kompanive të mëdha që kanë akumuluar borxhe të detyrimeve fiskale.