Bllokohet "Gega Oil" për evazion fiskal, shpallet në kërkim administratori
Reagon Paulin Gega: Jam me pushime në Greqi, nuk kam kryer asnjë shkelje Akuzohet për "Fshehje të të ardhurave dhe "Pastrimi i produkteve të veprës penale".
Policia e Shtetit ka shpallur në kërkim administratorin e "Gega Oil", shtetasin Paulin Gega, pasi akuzohet për pastrim parash dhe evazion fiskal në shuma të konsiderueshme. Sipas policisë, në njoftimin e vet zyrtar, ai rezulton se është larguar nga vendi në dt. 09.08.2019, ndërkohë që kërkohet për veprat penale "Fshehja e të ardhurave", "Ndryshimi në aparatet matëse" dhe "Pastrimi i produkteve të veprës penale". Në njoftimin zyrtar, thuhet se Policia e Shtetit në bashkëpunim me organet tatimore, ka ndjekur veprimtarinë e tatimpaguesit "Gen Klaudis ShA", në vijim të zbatimit të Planit të Masave kundër Informalitetit dhe Evazionit Fiskal në sektorët e Turizmit, Ndërtimit, Hidrokarbureve, Tregtimit të mallrave me akcizë, dhe ka ushtruar kontroll në datën 07.08.2019. Nga kontrolli tatimor janë gjetur pompa, të cilat në shkelje të ligjit, funksiononin në regjim manual dhe për këtë arsye, është kryer bllokimi i tregtimit të karburantit nga ky subjekt. Menjëherë pas bllokimit, u kryen hetime intensive që çuan në konkluzionin se administratori i kompanisë, shtetasi Paulin Gega, përmes subjektit "Gen Klaudis Sha" që njihet me emrin tregtar "Gega Oil", ka kryer evazion fiskal në përmasa të konsiderueshme. Po ky shtetas është proceduar katër vjet më parë nga Drejtoria e Policisë Shkodër, për veprën penale fshehje e të ardhurave. Pas veprimeve të saj hetimore, Policia e Shtetit i referoi në Prokurorinë e Rrethit Gjyqësor Tiranë, materialet në ngarkim të shtetasit Paulin Gega. Prokuroria nxori një urdhër ndalimi për këtë shtetas, i cili rezultoi se është larguar nga vendi në dt. 09.08.2019. Shtetasi Paulin Gega u shpall në kërkim për veprat penale "Fshehja e të ardhurave", "Ndryshimi në aparatet matëse" dhe "Pastrimi i produkteve të veprës penale". Pas lajmit për bllokimin e tregtimit të karburanteve dhe shpalljen në kërkim nga policia për disa vepra penale, ndër të tjera fshehje e të ardhurave, ka reaguar për "News24" administratori i "Gega oil", Paulin Gega. Ai mohon akuzat dhe thotë se kompania nuk ka kryer asnjë shkelje apo kundërvajtje penale as në aspektin evaziv apo të të ashtuquajturës ' Fshehje e të ardhurave apo të pasurisë'. Gjithashtu, ai deklaron se aktiviteti i firmës vazhdon pa ndërprerje në të gjithë Shqipërinë dhe se GenKlaudis sha është një ndër 10 tatimpaguesit më të mëdhenj në Shqipëri, me