Meta i ktheu, Braçe: Do t'i diskutojmë të gjitha dekretet
"Askush s'mund t'i shmanget hetimit dhe gjykimit"
Mazhoranca qever isëse do t'i diskutojë të gjitha dekretet e kthyera mbrapsht nga kreu i shtetit Ilir Meta me fillimin e sesionit të ri parlamentar në muajin shtator. Zëvendëskryeministri Erion Brace njoftoi dje se dekretet e Presidentit të Republikës, të cilat u rikthyen për rishqyrtim në Kuvend, shoqëruar edhe me argumentet ligjore do të merren në shqyrtim. Sipas Braçes me nisjen e sesionit të ri parlamentar, maxhoranca do të diskutojë të gjitha dekretet e kthyera mbrapsht. "Pa më të voglin diskutim. Për sa kohë rregulli thotë se ligjet duhet të shqyrtohen në Kuvend, do të diskutohen të gjitha"- nënvizoi ai. Gjithashtu, Braçe iu përgjigj interesit të medias në lidhje me Vangjush Dakon, i cili disa ditë më parë u shpall "non grata" nga Departamenti Amerikan i Shtetit. Në argumentimin e DASH thuhej se vendimi është marrë mbi informacione të sakta, se ishkryebashkiaku i Durrësit është përfshirë në raste korrupsioni. Braçe tha se secili qytetar me apo pa post politik duhet të përgjigjet para drejtësisë. Sipas Braçes, Dako duhet të përballet në mënyrë individuale me organet e drejtësisë dhe heshti sa i takon një vendimi politik që mund të merrej për ish kryebashkiakun e Durrësit. "Unë e kam thënë vazhdimisht, çdo akuzë e ngritur ndaj Dakos e gjithkujt tjetër, edhe anëtarë të kryesisë së PS, apo jo, apo kryetarë të partive politike si është njëri nga kryetarët e opozitës, apo nën të, duhet të hetohet dhe të gjykohet si e parashikon ligji. Askush nuk mund t'i shmanget hetimit dhe gjykimit. Ne as s'kemi ndërmend të hyjmë në këtë
proces, secili do të përballet individualisht në përputhje me ligjin në proces të drejtë e të barabartë. Por, kur përdor imunitetin për t'i ikur drejtësisë, siç edhe ka ndodhur, e kemi çështje të pazgjidhura në gjykatë e janë materializuar vjedhje me miliona euro nuk ka më, secili duhet të përballet atje, me drejtësinë"theksoi zëvendës kryeministri Erion Braçe. Ai shtoi më tej: "Koha kur përdorej imuniteti për t'i ikur drejtësisë aq sa sot vijojmë të kemi një sistem pandëshkueshmërie në nivelet më të larta të poli
PËR DAKON
"Çdo akuzë e ngritur ndaj Dakos e gjithkujt tjetër, edhe anëtarë të kryesisë së PS, apo jo, apo kryetarë të partive politike si është njëri nga kryetarët e opozitës, apo nën të, duhet të hetohet dhe të gjykohet si e parashikon ligji. Askush nuk mund t'i shmanget hetimit dhe gjykimit. Ne as s'kemi ndërmend të hyjmë në këtë proces, secili do të përballet individualisht në përputhje me ligjin në proces të drejtë e të barabartë", tha z. Braçe.
tikës dhe çështje të pazgjidhura në gjykatë, dhe ku janë materializuar vjedhje me miliona e qindra miliona euro nuk ka më. Secili duhet të përballet patjetër".