Dorëheqja e Pjetrit, Basha: Një kriminel më pak në politikë
“Hotel superluksoz në Tiranë”, PD sot zbardh faktet që rëndojnë mbi Pjetrin "Asgjë nuk ndryshon derisa të largojmë Ramën"
Partia Demokratike sot do të informojë zyr tarisht Prokurorinë e Krimeve të Rënda për faktet që rëndojnë mbi Valdrin Pjetrin. PD publikoi dokumente se Pjetri ishte dënuar në Itali për trafik lëndësh narkotike. Sekretari i përgjithshëm Gazmend Bardhi është shprehur se i zgjedhuri në Shkodër në atë kohë e pranoi akuzën dhe se pas kësaj u dëbua nga Italia. Por pavarësisht dorëheqjes së djeshme të Valdrin Pjetrit si kryebashkiak i ri i Shkodrës, lideri i opozitës Lulzim Basha bën të qartë se asgjë nuk ndryshon deri në largimin e kryeministrit Rama. Kreu i PD- së shkruan në "Twitter" se largimi i Pjetrit do të thotë "një kriminel më pak në politikë". Por largimi i Pjetrit sipas Bashës nuk ndryshon asnjë gjë deri sa të largohet kryeministri Edi Rama. "Një kriminel më pak në politikë; një uzurpator më pak në pushtetin vendor. Asgjë nuk ndryshon deri sa të largojmë Edi Ramën, kokën e krimit politik",shprehet z. Basha.
KËRKESA
Demokratët i kërkuan dje prokurorisë që përshpejtojë hetimet pasurore të socialistit Valdrin Pjetri dhe familjes së tij duke akuzuar kryeministrin Edi Rama që nuk po lejon organin e akuzës që ta hetojë kryebashkiakun e dorëhequr të Shkodrës. Sipas sekretarit për çështjet ligjore në PD Çlirim Gjata, Pjetri është subjekt i ligjit antimafia, pasi pasuria e tij është vënë nga aktiviteti i trafikut të drogës. "Pse nuk vepron ligji antimafia ndaj pasurive të drogës së Valdrin Pjetrit? Pse i besuari i tij në Shkodër ka imunitet mbi ligjin? Pse nuk vepron prokuroria? Pse operacioni "Forca e ligjit", që duhej të sekuestronte pasuritë e paligjshme, është shndërruar në operacionin "Forca e krimit"?", tha z. Gjata. Ai përmendi se mos zbatimi i ligjit antimafia, sipas demokratëve, bëhet nga kryeministri Rama me një qëllim të vetëm. "" Përgjigjet e këtyre pyetjeve lidhen drejtpërsëdrejti me planin e Edi Ramës për të përdorur trafikantin e drogës derisa, në mënyrë të paligjshme, të marrë drejtimin e Bashkisë së Shkodrës. Është ky skenar pse trafikanti i drogës Valdrin Pjetri ndalohet të japë dorëheqjen para betimit, pse prokuroria po e zvarrit verifikimin, pse ligji antimafia nuk vepron", u shpreh sekretari ligjor demokrat. Madje Gjata duke paraqitur pamje të një hoteli që sipas tij i përket Pjetrit i kërkon zbatimin e ligjit antimafia. "Pasuria më e dukshme e Valdrin Pjetrit, është një hotel superluksoz në periferi të Tiranës, i inauguruar me praninë e ministres së Edi Ramës. Sipas Ligjit Antimafia, Valdrin Pjetri është subjekt i drejtpërdrejtë i tij, pasi siç shprehet ligji subjekt i
DEKLARATA
"Pasuria më e dukshme e Valdrin Pjetrit është një hotel superluksoz në periferi të
Tiranës, i inauguruar me praninë e ministres së Edi Ramës. Sipas ligjit ‘ Antimafia’, Valdrin Pjetri është subjekt i drejtpërdrejtë i tij, pasi siç shprehet ligji, subjekt i ligjit është çdo person për të cilin ka indicie se ka kryer krime që lidhen me trafikimin e lëndëve narkotike", - tha z. Gjata. ligjit është çdo person për të cilin ka indicie se ka kryer krime që lidhen me trafikimin e lëndëve narkotike. Për rastin e Valdrin Pjetrit, jo vetëm që ka indicie për kryerjen e këtyre krimeve, por ky fakt është i provuar nga vendimet e drejtësisë italiane, të cilat janë publikuar prej disa ditësh nga Partia Demokratike"- deklaroi z. Gjata.