Ibrahimi: Ika sepse nuk i thosha dot "jo" Gaz Demit

33- vjeçari do të vijojë karrierën te Prishtina, ndërsa rrëfen prapaskenat e transferimit të papritur Mbrojtësi premton: Një ditë do të kthehem prapë

Labinot Ibrahimi do t'i japë lamtumirën Par tizanit pas 6 viteve të jetuara si një "dem i kuq", me entuziazmin e përkushtimin e ndaj fanellës së klubit, tek i cili mban mend edhe ditën e parë kur i është bashkuar. Futbollisti ka treguar se sa e vështirë është ndarja, por ka bërë të qartë se për shkak të lidhjes së ngushtë që kishte krijuar, nuk mund t'i thoshte "jo" propozimit të presidentit Demi. Në intervistën për RTSH, ai tregoi se ka bindjen që do të kthehet përsëri një "dem i kuq" në të ardhmen, në një klub

ku padyshim gëzimi më i madh ishte festa e titullit kampion.

LIDHJA ME PARTIZANIN

"U bënë 6 vite, aq shpejt kanë kaluar sa që e mbaj mend edhe momentin e parë. Kam ardhur më 19 qershor 2013. Nga ai moment jam dashuruar ame fanellën e Partizanit dhe jam ndjerë si në shtëpinë time, më kanë pritur shumë mirë dhe jam ambientuar shumë shpejt me klubin e Partizanit".

MOMENTET E

PAHARRUESHME

"Viti më i bukur ka qenë fitimi i titullit kampion, ka pasur edhe momente të këqija të vogla, por ato janë kaluar. Por momenti më i vështirë qenka që po largohem nga Partizani".

LIDHJA ME PRESIDENTIN DEMI

"Është e vërtetë, Gaz Demin e kam shumë pikë të dobët, se ka qenë personi kryesor që më ka shtyrë këto 6 vite të qëndroja te Partizani. Por qenka shumë e vështirë…".

MARRËDHËNIA ME FUTBOLLISTËT E TJERË

"Mund të veçoja Albanin e Trashin, që kemi qemë prej më shumë vitesh bashkë. Por më të gjithë, Belicën, Brunon, Esanit, Asanin, me të gjithë ia kaluam shumë bukur dhe i falënderoj jashtë mase".

SI ERDHI "NDARJA

"Nuk e di, ishte shumë e shpejtë, u vendos shumë shpejt dhe ishte mes presidentëve, nuk i thosha dot ' jo' presidentit Gaz Demi, pasi jam edhe i preferuari i tij dhe e bëra me kënaqësi. Arsyet e vërteta nuk i di, mund të pyetni dikë tjetër, Gaz Demin, Olsin… Por kjo ka qenë biseda mes meje dhe Gaz Demit, se ishte mes dy presidentëve".

LAMTUMIRA NGA KLUBI

"E falënderoj së pari presidentin Gaz Demi, Olsin, trajnerët që kam punuar, falënderoj profesor Gegën, që fituam titullin që e prisnin të gjithë tifozët e Partizanit. Për tifozët nuk kam çfarë flas, ata janë familja ime e dytë. Por shpresoj dhe jam i bindur që Ibrahimi do të kthehet e do të bëhet përsëri "dem i kuq"".