NË SHQIP FITUESJA E "INTERNATIONAL MAN BOOKER"
Fituese
e "International Man Booker Prize", 2018, Olga Tokarczuk vjen për herë të parë në shqip me përmbledhjen me tregime "Sonatë për shumë tamburë". Me përkthimin e Astrit Beqirajt dhe logon e Botimeve IDK, libri është një galeri e pasur personazhesh të paharrueshëm: njerëz që duket sikur i janë dorëzuar banalitetit të një jete monotone, por që në të vërtetë fshehin përbrenda dëshirën e zjarrtë për t'u kuturisur në kërkim të së panjohurës, të diçkaje ndryshe. Pas vellos banale të jetës së tyre të përditshme, autorja sheh atë çka befas trondit e shqetëson rendin e gjërave, kthen befas përmbys gjithçka në ekzistencën e tyre, duke i bërë kuptojnë se s'janë më të sigurt për atë që ndodh përreth. Secila prej historive të përmbledhura në këtë libër shpalos talentin e madh të një prej shkrimtareve më origjinale të mijëvjeçarit të ri. Olga Tokarczuk ( 1962) - konsiderohet aktualisht shkrimtarja polake më e suksesshme e brezit të saj dhe një ndër shkrimtaret më interesante europiane. E përkthyer në 30 gjuhë, Olga Tokarczuk është fituese e disa prej çmimeve më të rëndësishme ndërkombëtare, si e çmimit "Man Booker International Prize" ( 2018), Brückepreis ( Gjermani); "Kulturhuset International Literary Prize", Suedi. Në 2019, ajo u shpall fituese e "Prix Laure Bataillon" ( Francë) për librin më të mirë të përkthyer të vitit. Ky është libri i saj i parë që vjen në gjuhën shqip. Së shpejti Botimet IDK do të botojnë një prej kryeveprave të saj, romanin "Kaloje plugun mbi kockat e të vdekurve". që është si e huaj në kufi, një instrument i erës që vendosur mes telash jo si një uzurpuese, por si një prezencë e mundshme kërcënuese.
"Ditar i shkurtër kufijsh" është romani i parë i Gazmend Kapllanit, i shkruar në greqisht dhe deri më sot i botuar në italisht, frëngjisht, anglisht, polonisht e danisht, i vlerësuar shkëlqyeshëm nga kritika. Sipas mediave prestigjioze europiane, "ky libër është shkruar me dorë të lehtë dhe zemër të rëndë" ( The Guardian); "Autori kombinon humorin absurd të George Mike në librin "Si të jesh i huaj" me meditimin filozofik të Milan Kunderës..." ( The Indipendent); "Është libër origjinal, njëkohësisht i ndjeshëm, kritik dhe i distancuar" ( Le Monde). Vepra të tjera të autorit janë "Në kërkim të tjetrit", "Kontrabandë muze", "Më quajnë Europë" dhe "Faqja e fundit". Gazmend Kapllani lindi në Lushnjë, më 1967. Emigroi herët në Greqi, ku jetoi për shumë vjet e, përkrah punëve të lodhshme, kreu studimet për Filozofi në Universitetin e Athinës, doktoraturën e Arteve në Universitetin Panteion të Athinës, ku ishte edhe lektor i Historisë së Ballkanit. Editorialist e të përditshmes greke "Ta Nea", nga 1999- 2011, i njohur dhe vlerësuar ndërkombëtarisht si gazetar e shkrimtar. Aktualisht Kapllani