DREJTORESHA E "VILLA ROMANA", NË "ART HOUSE"
Në
kuadër të ciklit të bisedave të "Art House School", Angelika Stepken, drejtoreshë e "Villa Romana" në Firence, erdhi në një trajtesë të sajën lidhur me aktivizimin e rolit të arkikave në praktikën artistike. Që nga vitet ' 90, artistët filluan të interesohesh rreth arkivave, si t'u qaseshin atyre, si t'i dekonstruktonin, si t'i ballafaqonin me histori që nuk ishin pjesë e tyre. Arkivat e reja u krijuan në kontekste të reja. Kjo praktikë u përdor edhe nga institucionet, por kjo tendencë artistike u kritikua sepse dukej sikur shikonte vetëm nga e kaluara e jo më përpara, si një lloj humbjeje lirie. Në kontekstin e sotëm të diskutimeve post- kolonialiste, çështja se cilat "realitete" e jetë u lënë jashtë arkivave hegjemoniale ( perëndimore), kërkon një rilexim kritik. Kjo bisedë kërkon të bëjë një prezantim të shkurtër në nivel teorik dhe të tregojë shembuj të ndryshëm të praktikave artistike mbi arkivën, pjesa më e madhe e të cilave nga projektet e ekspozitave në "Villa Romana" gjatë viteve të fundit. Angelika Stepken është drejtoreshë e "Villa Romana" në Firence. Nga 1998- 2006 ka qenë drejtuese e Badischer Kunstverein në Karlsruhe. Si kuratore ka organizuar një sërë ekspozitash ndërkombëtare që nga fundi i viteve 1980, ndërsa së fundmi ka kuruar "Future Perfect" për IFA ( Institute for Foreign Relations), ekspozitë shëtitëse që nga viti 2013. Ka shkruar shumë artikuj, tekste për artin dhe katalogë dhe ka qenë redaktore e edicionit të 2012- ës për BDI Jahresring, të titulluar "On One Side of the Same Water", "Artistic practices between Tirana and Tanger". Është redaktore e monografisë "Ketty La Roça - You. Works & Writings 1964- 1976", e publikuar në vitin 2018.