LSI: Mamani s'është kryetar, tentativë e Rilindjes për të devijuar vëmendjen
Ndaj
arrestimit të ish- drejtorit të Agjencisë së Mirëqenies dhe Kujdesit Social në Gjirokastër, Armand Mamani, ka reaguar dje edhe Lëvizja Socialiste për Integrim. Ajo ka sqaruar se Mamani nuk është aktualisht kryetar i kësaj force në Gjirokastër, ndërsa i ka konsideruar shpifje të gjitha lajmet se ai u arrestua në kampin veror të LRI- së në Jalë. "LSI sqaron median dhe opinionin publik se Armand Mamani nuk është aktualisht kryetar i LSI në Gjirokastër. LSI po ashtu përgënjeshtron prerë lajmet se arrestimi i tij është bërë në ambientet e kampit të Jalës si një ' fake news' bajat dhe i sajuar. Aktiviteti i përmbyllës i kampingut të Jalës u mbajt mbrëmjen e 30 gushtit, ku foli kryetarja e LSI, Monika Kryemadhi, fjalë e cila u pasqyrua dhe ' live' nga mediat. Largimi i të rinjve nga kampi ka nisur më 31 gusht nga ora 09: 00", - bëri të ditur LSI në deklaratën e saj të shpërndarë për mediat. Më tej duke u shprehur e gatshme që të bashkëpunojë me mediat për të vënë të dhënë çdo sqarim lidhur me këtë çështje, LSI akuzon qeverinë si përhapëse e lajmeve që kanë për qëllim të dëmtojnë kundërshtarin politikë. "LSI është hapur në çdo moment për të dhënë të gjithë informacionin e duhur që lidhet më të për mediat dhe këdo tjetër me qëllim për të shmangur çdo abuzim dhe shtrembërim të qëllimshëm të informacionit. Përhapja e këtyre lajmeve është thjesht një tentativë e dështuar e Rilindjes për të devijuar vëmendjen e opinionit publik me lajme të rreme nga realiteti i demaskimit të kriminelëve klientë të saj, që kanë damkosur Rilindjen si një frymëzuese e përdoruese e trafikantëve, të korruptuarve dhe të inkriminuarve që po i njeh tashmë gjithë Shqipëria dhe falë medias ndërkombëtare e gjithë bota mbarë", - mbyll reagimin e saj LSI.
Shoqeria permbarimore JUSTITIA: