Zbardhen emrat e fituesve në 12 degët e Universitetit të Mjekësisë

Kush do të vazhdojë studimet te Stomatologjia, Farmacia, Fizioterapia e Shëndeti Publik Lista e plotë me studentët e rinj të Infermierisë

Të gjithë maturantët që kanë aplikuar në një prej 12 programeve të studimit në Universitetin e Mjekësisë mund të njihen me renditjen gjatë raundit të parë të aplikimeve. "Gazeta Shqiptare" publikon sot emrat e fituesve në këto degë, ku secili mund të verifikojë nëpërmjet ID përkatëse numrin e pikëve të grumbulluara që ndryshojnë nga njëri program studimi në tjetrin, në bazë të kritereve të përcaktuara. Respektivisht gazeta sot zbardh emrat e fituesve në degën Mjekësi e Përgjithshme, Infermieri si dhe emrat e maturantëve fitues në Stomatologji. Ndërkohë, kandidatët mund të verifikojnë nëse janë shpallur apo jo fitues edhe në degët Fizioterapi, Farmaci, Teknik Imazherie e Teknik Laboratori. Gjithashtu,

Universiteti i Mjekësisë ka zbardhur renditjen e aplikuesve të raundit të parë edhe në degët Shëndet Publik, Mami, Higjienist Dentar, Teknik Dentar e Logopedi. Çdo raund do të përbëhet nga 7 faza 48- orëshe secila. Studentët jofitues duhet të jenë të kujdesshëm dhe të verifikojnë lëvizjen e vijës së kuqe ( pragun e pranimit në fakultete) pas regjistrimeve të para. Maturantët duhet të verifikojnë të

EMRAT ME FITUESIT NË 12 DEGËT E UNIVERSITETIT TË MJEKËSISË dhënat e tyre për çdo pasaktësi dhe madje kanë të drejtën e ankimimit nëse mendojnë se rankimi i tyre është i padrejtë. Pas kësaj, në datën 2 shtator do të fillojë raundi i parë i regjistrimeve në IAL- të publike e private, proces i cili do të zgjasë deri në 15 shtator. Ndërkohë, "Gazeta Shqiptare" do të vijojë publikimin e listave të maturantëve fitues që aplikuan në universitet gjatë raundit të parë.