Debati për luftën, sherr në Kuvend mes socialistëve dhe ballistëve
Alimadhi: Do ta hamë ndonjë ' pulë', por do ju lëmë ndonjë ' kockë'
Sesioni i ri parlamentar që nisi dje përkon ndër të tjera edhe me festimet për 75- vjetorin e çlirimit të vendit nga pushtuesit nazi- fashistë. Për këtë qëllim, kryetari i Kuvendit, Gramoz Ruçi, ndërsa e cilësoi si të lavdishme këtë luftë, ftoi deputetët e të gjitha grupeve parlamentare që të bëhen pjesë e të gjitha aktiviteteve që do organizohen në nderim të ngjarjeve dhe kontributit që dha ushtria nacionalçlirimtare për çlirimin e vendit nga pushtuesit. "Sesioni që po nisim sot përkon edhe me kremtimin e 75- vjetorit të çlirimit të atdheut, ngjarja monumentale e historisë tonë kombëtare. Çlirimi Shqipërisë është një meritë e ushtrisë dhe Luftës Antifashiste Nacionalçlirimtare. Pa këtë luftë ndjenjat dhe rezistenca shqiptare do të ishte eliminuar nga bisha nazifashiste. Lufta jonë nacionalçlirimtare nuk u fitua me përplasje idesh, por u fitua me përplasje të përgjakshme, ku ushtria jonë nacionalçlirimtare luftoi denjësisht në krah të ushtrisë së kuqe, asaj amerikane, britanike dhe franceze. Ishte kjo luftë që e vendosi Shqipërinë në anën e duhur të historisë. Me këtë rast ju bëj thirrje ju të gjithëve ju kolegë deputetë që të merrni pjesë në aktivitetet në përkujtimit të ngjarjeve të luftës, në përpjekje për çlirimin e gjithë territorit të vendit", - tha kryetari i Kuvendit, Gramoz Ruçi, në fjalën e tij. Por, kjo ftesë ka shkaktuar debate në sallë, ku përfaqësues të opozitës e kanë konsideruar këtë ftesë si një provokim që u bëhet atyre mijëra- mijëra shqiptarëve dhe familjeve të tyre, cilat u vranë dhe përndoqën gjatë luftës dhe më pas edhe nga regjimi komunist. Kryetari i Partisë së Ballit Kombëtar, Adriatik Alimadhi, duke folur në emër të grupit parlamentar të partive të djathta tha se lufta nacionalçlirimtare ishte vëllavrasëse, ndaj dhe nuk mund të quhet kurrsesi e lavdishme. "Kryetari i Kuvendit përmendi 75
vjetorin e çlirimit. Po ku shkojmë ne shqiptarët? Po sa e çuditshme është! Po e kuptoni more që kjo Shqipëri kullon gjak shqiptarësh?! Po a e kuptoni që janë vrarë 6 mijë shqiptarë, po si mundet të quhet e lavdishme, po çfarë bëhet kështu?! Kryetari i Ku
vendit na fton ne që të shkojmë te baballarët e tyre që na kanë vrarë njerëzit tanë? E çfarë duhet të bëjmë ne?", - tha Alimadhi në reagimin e tij. Më tej ai akuzoi dy forcat kryesore politike se i ka bashkuar 5 Maji ( Dita e Dëshmorëve), ndërsa i ftoi ato që të
LUFTA
"Kryetari i Kuvendit përmendi 75- vjetorin e çlirimit. Po ku shkojmë ne shqiptarët? Po sa e çuditshme është! Po e kuptoni more që kjo Shqipëri kullon gjak shqiptarësh? Po a e kuptoni që janë vrarë 6 mijë shqiptarë, po si mundet të quhet e lavdishme?! Po çfarë bëhet kështu?! Kryetari i Kuvendit na fton ne që të shkojmë te baballarët e tyre, që na kanë vrarë njerëzit tanë! E çfarë duhet të bëjmë ne?", - tha Alimadhi.
bashkojnë votat për të riparë historinë. "Ju të dy krahët politikë ju ka bashkuar 5 Maji. Largohuni, se po e mbani të përçarë këtë vend. Shkoj në kafene dhe më thonë që çfarë kryetar është ky, kryetar i pulave, kryetar i bashkëpunëtorëve. Ore kështu do ta ori
entojmë këtë shoqëri, ore e kuptoni ku po e çoni këtë shoqëri?! Ne jemi vrarë, ne jemi pushkatuar, ne jemi burgosur, ne jemi internuar, jemi përbuzur padrejtësisht, por po ju kërkoj një nder nëse keni besë shqiptari, a ka mundësi të ndërmarrim një nismë për historinë? Ku do shkojmë ne shqiptarët, a do t'i japim dorën ne njëri- tjetrit? Kush u vra për këtë bashkim, kush u vra për këtë Kosovë, kush u vra për trevat shqiptare? Pa Kosovë e Çamëri, nuk ka Shqipëri ka thënë Balli Kombëtar. Po mirë more zotërinj, ju do i fitoni të
gjitha të drejtat me padrejtësitë tuaja", - u shpreh Aliamdhi. Ndërkohë që nuk kanë munguar as ndërhyrjet nga salla të deputetëve socialistë, të cilët i kanë thënë "ik shko ha ndonjë pulë". "Do ta hamë ndonjë pulë, do ta hamë por do ta japim edhe ty ndonjë kockë. Pra, kur edhe flet seriozisht, ju prapa talleni", - iu përgjigj Alimadhi. Ai solli në vëmendje edhe debatin e para disa ditëve me deputetin Spartak Braho, ndërsa e konsideroi atë një tregues të nivelit në të cilin gjendet sot Kuvendi i Shqipërisë.