Ruçi: Shpëtuam nga kaosi, Kushtetuta u rezistoi aventurave
Nis sesioni i ri parlamentar, përfshihen në kalendar dekretet e presidentit Kryeparlamentari iu përgjigj Metës: Kuvendi, legjitim
Ka nisur dje pasdite se sioni i ri parlamentar dhe bashkë me të, edhe sezoni i ri politik. Seanca e parë plenare është hapur me fjalën e kreut të Kuvendit, Gramoz Ruçi, i cili duke iu referuar sesionit të shkuar parlamentar dhe përplasjes së fortë politike, theksoi se si asnjëherë në historinë e pluralizmit, Kushtetuta u rezistoi aventurave, duke shpëtuar sistemin demokratik të Shqipërisë nga anarkia dhe kaosi. "Kuvendi përballoi me dinjitet sfida të jashtëzakonshme dhe unike. Demokracia liberale si asnjëherë gjatë tri dekadave u provua si demokraci kushtetuese dhe vetë konstitucionalizmi si tendencë solide e saj. Si asnjëherë në historinë e pluralizmit, Kushtetuta u rezistoi aventurave duke shpëtuar kështu sistemin demokratik të Shqipërisë nga anarkia dhe kaosi. Rreth 70% e mandateve të atyre që u larguan janë zëvendësuar shumë shpejt nga deputetët e rinj të opozitës, gjë që ndihmoi në rikthimin e normalitetit dhe legjitimitetit të Kuvendit", - tha kryetari i Kuvendit, Gramoz Ruçi, në fjalën e tij. Ai u është përgjigjur edhe deklaratave të Presidentit të Republikës dhe opozitës, të cilët e konsiderojnë Kuvendin jolegjitim. Sipas Ruçit, Kuvendi është plotësisht legjitim dhe funksional dhe ka mandatet e duhura për të miratuar çdo ligj. "Me gjithë vështirësitë që u shkaktuan me lënien e mandateve nga opozita, kjo gjë nuk pengoi produktivitetin e Kuvendit. Kuvendi fillon këtë sesion si funksional me kuorum kushtetues, me shumicë të kualifikuar për të miratuar çdo akt ligjor", - u shpreh Ruçi. Më tej, ai u ndal edhe te prioritet dhe pikat kyçe ku do të bazohet institucioni që ai drejton, ndërsa nuk nguroi të përsërisë edhe një herë se dora e mazhorancës mbetet e shtrirë edhe për opozitën jashtëparlamentare, lidhur me bashkëpunimin për realizimin e reformës zgjedhore. "Prioritetet për këtë sesion është çelja e negociatave. Do të përmbyllim gjithashtu reformën zgjedhore, përfshirë këtu futjen edhe të rekomandimeve të OSBE / ODIHR. Dora e shtrirë e Kuvendit për opozitën nuk është mëshirë,